Եվրահանձնաժողովը ընդունել է կանոններ, որոնց համաձայն ճանապարհորդությունների համար Եվրոպական միության COVID-19-ի դեմ պատվաստման վկայականը վավերական է լինելու պատվաստումների ավարտից հետո մինչև 9 ամիս: Այս մասին հայտնել է Reuters-ը:
Առաջարկությունը պայմանավորված է նրանով, որ ԵՄ մի քանի երկրներ լրացուցիչ պահանջներ են ներկայացրել ճանապարհորդների համար՝ փորձելով նվազեցնել կորոնավիրուսի օմիկրոն շտամի տարածումը: ԵՄ արդարադատության հանձնակատար Դիդիե Ռեյնդերսը Reuters-ին ասել է, որ ԵՄ հանձնաժողովը դեմ է լրացուցիչ պահանջներին և գնահատում է միջոցները:
Փետրվարի 1-ից նոր կանոնները պարտադիր կլինեն ԵՄ 27 երկրների համար: Կանոնը կարող է արգելափակվել ԵՄ կառավարությունների մեծամասնության կամ Եվրախորհրդարանի անդամների պարզ մեծամասնության կողմից, սակայն պաշտոնյաներն ասել են, որ դրա համար բավարար աջակցություն կա:
