Օմիկրոն կորոնավիրուսային նոր շտամը Դանիայում արդեն գերիշխողն է։ Երկիրը գրանցել է COVID-19 վարակների ռեկորդային քանակ։ Այս մասին գրում է ՌԻԱ «Նովոստի»-ն՝ հղում անելով Դանիայի առողջապահության նախարար Մագնուս Հյունիկեն թվիթերյան միկրոբլոգը։
«Մենք հետևում ենք համաճարակի աճին, և այսօր կա ռեկորդային 13,558 հաստատված դեպք, այդ թվում՝ կան կրկնավարակներ: Շճաբանական հետազոտությունների դանիական ինստիտուտը գնահատում է, որ օմիկրոնն արդեն գերիշխող շտամն է երկրում և շարունակում է տարածում գտնել», – գրել է Հյունիկեն:
Ավելի վաղ Դանիայի վարչապետ Մետե Ֆրեդերիկսենը հայտարարել էր, որ իշխանությունները որոշել են հաջորդ ամսվա համար մի շարք սահմանափակումներ մտցնել՝ կապված կորոնավիրուսի տարածման հետ։
Շճաբանական հետազոտությունների դանիական ինստիտուտի տվյալներով՝ վերջին 24 ժամվա ընթացքում երկրում COVID-19-ից մահացել է 17 մարդ, հոսպիտալացվածների թիվը՝ 554։ Միաժամանակ ավելի քան 500 մարդ կրկին վարակվել է կորոնավիրուսով։ Ընդհանուր առմամբ, Դանիայում բնակչության 77%-ը լիովին պատվաստված է։
