«Ժառանգություն» կուսակցության նախկին նախագահ Արմեն Մարտիրոսյանը ֆեյսբուքյան իր էջում գրել է.
Ես ձեզ չեմ ստիպել մասնակիցը դառնալ այս արկածախնդրությանը, հետո գնալ և նախրի միջից պաչել ամենաբարձր զռացողի` էշի ճակատը:
Սերժ Սարգսյան
Ստիպել եք։ Վկա 2008 և 2013 թվականները։ Լևոն Տեր-Պետրոսյան և Րաֆֆի Հովհաննիսյան։ Երկու չափազանց հրաշալի թեկնածուներ երկրի առաջնորդության համար։ Չկեղծեիք ընտրությունները ձայնագողությամբ, ընտրակաշառքով, բռնությամբ, արյունով։ Թողեիք Երկրին՝ առաջ շարժվեր։
Ստիպել եք, երբ իրական ընդդիմադիրներին զուգահեռ սկսեցիք կեղծ ընդդիմություններ բուծել, երբ ընդդիմադիր դաշտի որոշ ներկայացուցիչների՝ տարբեր առաջարկներով, դարձրեցիք իշխանության կամակատարներ։
Ստիպեցիք, երբ նախկին բողոքի օրինական ակցիաները խեղդում էիք արյան և բռնության մեջ, երբ մեր օրինական պայքարը ու գործողությունները կասեցնում էիք անօրինական քայլերով, բայց 18 թվականին, նույնիսկ ամենակոպիտ, քրեօրեն պատժելի արարքները, որոնք կապ չունեին քաղաքացիական խաղաղ անհնազանդության հետ, չպատժվեցին։
Հ.Գ. Միայն 18 թվականին չէին կանայք ու երեխաներ մասնակցում։ 2008, 2013, 2016-ի հզոր հանրահավաքների և այլ բողոքի ակցիաների ժամանակ ևս կանայք ու երեխաներ էին մասնակցում։ Վկա՝ նախագահական նստավայրի առջև բողոքի խաղաղ ակցիա իրականացնող՝ բանակում սպանված զինվորների մայրերի նկատմամբ ոստիկանական բռնությունը։
Ստիպել եք և օժանդակել։
