Քաղաքաշինության կոմիտեն օրերս կառավարությանն է առաջարկել նոր նախագիծ, ըստ որի շինաշխատանքները ժամանակին չավարտած կառուցապատողները կտուգանվեն։ Այս որոշումը քաղշինը հիմնավորում է կիսակառույցների կամ վերանորոգվող կառույցների շինաշխատանքների ձգձգմամբ շատ վնասակար ազդեցությամբ քաղաքի,համայնքի ընդհանուր տեսքի վրա,բազում անհարմարությունների ստեղծմամբ և թափթփվածության առկայությամբ: Քաղշին կոմիտեն նաև առաջարկել է, որ առանձին քննության է առնելու յուրաքանչյուր դործը: Կարգավորման նպատակը, ըստ նախագծի հեղինակների, գոյություն ունեցող օրենսդրական ոչ միանշանակ կարգավորումներն են, որոնք հանգեցնում են տարբեր շինաշխատանքների համար սահմանված ժամկետների ու պարտավորությունների խախտման։ Իսկ դա իր հերթին հանգեցնում է քաղաքաշինության ոլորտում բազմաթիվ խնդրահարույց իրավիճակների:
«Առաջին լրատվական»-ի հարցերին պատասխանելիս «Salute CO» շինարարական կազմակերպության աշխատանքների ղեկավար հանդիսացող Ս. Ղազարյանը ընդհանուր դրական է գնահատում օրենքի այսպիսի նախագիծը, բայց ունի որոշակի վերապահումներ: Նա կարծում է, որ շինարարական աշխատանքները, այն էլ՝որակյալ, պահանջում են համապատասխան տեխնոլոգիական փուլերով գնահատումների անցկացում, որոնք չեն կարող այդքան կարճ տևել: Ինժեների կարծիքով՝ շինարարության տևականության հարցում վճռորոշ են օբյեկտիվ պատճառները, քան սուբյեկտիվ: Ըստ նրա՝օբյեկտիվ պատճառները 70 տոկոսն են կազմում: «Շինաշխատանքների ժամանակ հնարավոր է անսպասելի խոչընդոտներ առաջանան, ինչպես՝ բնական պայմանների, եղանակի փոփոխությունները, բացի դրանից՝ ընթացքում շատ հնարավոր է սխալ կազմված կամ ժամանակին փոփոխությունները չարձանագրած գծագրերի պատճառով նախագծի փոփոխության անհրաժեշտություն առաջանա, կամ երկրաբանական թերի հաշվարկներ լինեն, տարբեր տեսակի, անհամասեռ գրունտների և ընդհանրապես այնպիաի խնդիրներ, որոնցով պայմանավորված էլ կերկարի շինարարությունը»,-ընդգծեց ինժեները և օրինակ բերեց իր գործնական փորձից՝ երբ Երևանում ջրագծերի փոփոխման աշխատանքները կատարելիս, շատ հաճախ գծագրի համաձայն փորելով՝ հանդիպել են խոշոր քարերի կամ հոսանքալարերի և ստիպված ընդհատել են շինարարությունը:
«Այսպիսի երևույթները, եթե քաղաքաշինական կոմիտեի կողմից հաշվի առնվի, ուրեմն կկարողանան ռեալ գնահատեն ժամկետների հարցը, որովհետև չկա կառուցապատող, որին ձեռնտու չլինի ժամանակին կամ ավելի շուտ աշխատանքները ավարտին հասցնելը»,-նշեց Ս.Ղազարյանը: Մյուս կողմից, սակայն, ինժեները համաձայն է, որ ոլորտում քիչ չեն անբարեխիղճ, ոչ պատասխանատու կազմակերպություններ, որոնք, իրավամբ արժանի են տույժերի: Այստեղ,ըստ նրա, դեր ունի նաև բանիմաց ու պատասխանատու աշխատուժի,տարբեր աշխատանքներ կատարող շինարարների բավարար առկայության հարցը:
Հարցին՝ ի՞նչ է անհրաժեշտ այդպիսի խնդիրները նվազեցնելու համար, նա պատասխանեց որ բավարար կլինի այս որոշմամբ նախատեսված փոփոխությունները իրապես սկզբունքային կերպով աշխատացնելը, նաև՝ շատ կարևոր է՝ յուրաքանչյուր գործի հանդեպ անհատական,առանձնահատուկ մոտեցումը: Պետք է աջակցություն ցուցաբերվի նախագծերի կազման նախնական փուլում երկրաբանական,գեոդեզիական հարցերում, նաև կարգավորեն հնարավոր ֆինանսական քաշքշուկները՝պայմանավորված նախագծերի փոփոխությամբ:
Լուսանկարը՝ Photolure-ի
