Վարչապետ Նիկոլ Փաշինյանը երեկ հանդիպել է Երևանի ավագանու «Իմ քայլը» խմբակցության հետ: Քննարկման գլխավոր թեման քաղաքապետ Հայկ Մարությանի պաշտոնանկության հարցն է եղել: Հանդիպման ավարտին խմբակցությունը հայտարարել է՝ 1 տարի փորձել են համագործակցության եզր գտնել Մարությանի հետ, բայց չի հաջողվել։ Նա լքել է կուսակցությունը՝ չկիսելով քաղաքական պատասխանատվությունը։ Ավագանու խմբակցությունը Հայկ Մարությանին հաջողություն է մաղթել «իր նոր քաղաքական հանգրվանում»։ ։ Մարությանը շեղվե՞լ է հեղափոխական գաղափարներից։ Թեմայի շուրջ «Առաջին լրատվական»-ը զրուցել է Արդար Հայաստան կուսակցության նախագահ Նորայր Նորիկյանի հետ: