Քաղաքագետ Մովսես Հարությունյանը գրում է.
Իլհամ Ալիևը, ով Վլադիմիր Պուտինի հետ հանդիպումներից հետո անգամ հրապարակային չէր խոսում միջանցքի մասին, այսօր ԵՄ ղեկավարի հետ հանդիպումից հետո հայտարարել է, որ Ադրբեջանը Նախիջևանին կապող ճանապարհը պիտի ունենա այն նույն կարգավիճակը, ինչն ունի Լաչինի միջանցքը, այլապես իրենք էլ կսկսեն մաքսեր ու տուրքեր գանձել Լաչինի միջանցքից։
Ալիևը հրապարակային կերպով ոտնահարում է նոյեմբերի 9-ի հայտարարությունը` մարտահրավեր նետելով և՜ Արևմուտքին, և՜ ՌԴ-ին։
Ալիևի առաջարկը բացարձակ չի բխում նոյեմբերի 9-ի հայտարարության դրույթներից։ Այնտեղ Լաչինի` միջանցքային կարգավիճակի մասին առկա է հստակ ամրագրում, իսկ Ադրբեջանի` դեպի Նախիջևան կապը պիտի ապահովվի բացառապես ճանապարհների ապաշրջափակման դրույթի սահմաններում` առանց միջանցքային ու լաչինյան համեմատությունների։
