Վերջին մեկ տարվա իրադարձությունները հիմք են տալիս ասելու, որ աշխարհում, իսկ հատկապես մեր և հարևան ռեգիոններում աշխարհքաղաքական տեկտոնական շարժեր են տեղի ունենում, անվտանգային, ռազմա-քաղաքական տրանսֆորմացիաներ։ Այս թեմայի առնչությամբ տարածաշրջանային հարցերով փորձագետ Արմեն Պետրոսյանը նկատում է՝ այդ շարժերը մեծ հաշվով պայմանավորեցին նաև 44-օրյա պատերազմի հետևանքները։ Անդրադառնալով Թուրքիայի կողմից հնչած հայտարարություններին՝ Հայաստանի հետ առարկայական հարաբերությունների հաստատման առնչությամբ, Պետրոսյանը ընդգծում է․ «Թուրքիան մեկ կրակոցով մի քանի հարց է լուծում․ սա պատասխան էր ՀՀ-ի մասնակցությանը «3+2»-ին»։