ՏԻՄ ընտրությունների արդյունքներն արդյոք ցույց են տալիս, որ հասարակությունը դեմ է ՔՊ-ի միայնակ կառավարմանը և կոալիցիոն կառավարման է ձգտում։ Մարդիկ նոր ուժեր են փնտրում։ Ինչո՞ւ անգամ իշխանության նկատմամբ ամենաօբյեկտիվ դժգոհությունն ընդդիմության նկատմամբ համակրանք չի առաջացնում։ Թեմայի շուրջ «Առաջին լրատվական»-ը զրուցել է ՔՊ խմբակցության պատգամավոր Վաղարշակ Հակոբյանի հետ:
Պատգամավորը մեծագույն ձեռքբերում է համարում այն, որ ՏԻՄ ընտրությունները անցնում են քաղաքական ընտրապայքարի շրջանակում․ «Այսօր կարող ենք փաստել՝ որպես իշխանություն ոչ մի միլիմտեր չենք շեղվել սկզբունքներից: Եղել են անձինք՝ արել են ամեն ինչ, որպեսզի սողոսկեն ՔՊ․ նրանք բացահայտվել են ՏԻՄ ընտրություններին ՔՊ-ից մերժվածները դաշինքներ են ձևավորել, բայց արել են այնպես, որ ոչ մի կերպ չասոցացվեն Քոչարյանի հետ»:
Վաղարշակ Հակոբյանի խոսքով՝ ՏԻՄ ընտրությունների արդյունքներով «Հայաստան» դաշինքը ավելի բարոյազրկվեց․ դարձավ անիմաստ ընդդիմություն: