ՆԱՏՕ-ի ներկայիս ղեկավար եւ Նորվեգիայի նախկին վարչապետ Ենս Ստոլտենբերգը դարձել Է Նորվեգիայի Կենտրոնական բանկի ղեկավարի պաշտոնի 22 հայցորդներից մեկը, որը նա կարող Է զբաղեցնել ներկայիս պաշտոնից հեռանալուց հետո:
Այդ մասին, վկայում Է այն տեղեկավտությունը, որը հրապարակվել Է թագավորության ֆինանսների դեպարտամենտի կայքում: Ինչպես հետեւում Է ներկայացված ցուցակից, 62-ամյա Ստոլտենբերգը Էյսթեն Օլսենից հետո Կենտրոնական բանկի 20-ից ավելի հայցորդների թվում Է: ՆԱՏՕ-ի ղեկավարն ինքը NRK հեռուստաընկերությանը հաստատել Է այդ պաշտոնն ստանալու իր մտադրությունը:
«Նոյեմբերին ֆինանսների դեպարտամենտից ինձ հետ կապվել են այդ պաշտոնի համար իմ թեկնածությունն առաջադրելու առաջարկությամբ. եւ դա աշխատանք Է, որի շուրջ շատ եմ մտածում»,-հեռուստաընկերությունը մեջբերում Է Ստոլտենբերգի խոսքը: Միեւնույն ժամանակ ՆԱՏՕ-ի ղեկավարն ընդգծել Է, որ չի կարողանա ստանձնել նոր պաշտոնը, որն ազատվում Է 2022 թվականի մարտի 1-ին՝ նախքան ներկայիս պաշտոնում իմ լիազորությունների ժամկետի լրանալը, որը տեղի Է ունենալու հաջորդ տարվա սեպտեմբերի 30-ին, հաղորդել Է ՌԻԱ Նովոստին:
