Փարիզի 2024 թվականի Օլիմպիական խաղերի բացման պաշտոնական արարողությունը կկայանա Սենա գետի վրա:
Այս մասին գրում է ֆրանսիական «Ֆիգարո» պարբերականը: Ըստ պարբերականի, բացման արարողությանը կմասնակցեն մոտ 600 հազար երկրպագուներ: Հավաքական թիմերը բացման արարողությանը հատուկ նավակներով կանցնեն գետի ամբողջ երկայնքով:
Ըստ նախնական տվյալների՝ բացման արարողությունն ուղիղ հեռարձակմամբ կդիտի մոտ մեկ միլիարդ մարդ:
Փարիզի 33-րդ ամառային Օլիմպիական խաղերը կկայանան 2024 թվականի հուլիսի 26-ից օգոստոսի 11-ը: Փարիզն այն բացառիկ երեք քաղաքներից է, որ երրորդ անգամ է ընդունում Օլիմպիական խաղերը: Առաջին Խաղերը կայացել են 1900, երկրորդ Խաղերը` 1924 թվականներին:
