Ֆրանսիայի ներքին գործերի նախկին նախարար Կլոդ Գեանը նստել Է Փարիզի հարավի Սանտե բանտ՝ պարգեւավճարների ապօրինի վճարման գործով դատարանի վճռով: Դեկտեմբերի 13-ին այդ մասին հաղորդում Է ICI հեռուստաալիքը:
Փարիզի Ուղղիչ դատարանը 2015 թվականին Ֆրանսիայի նախկին նախագահ (2007 – 2012 թթ.) Նիկոլա Սարկոզիի մերձավոր զինակցին մեղավոր Է ճանաչել իրեն եւ Ֆրանսիայի ներքգործնախարարության այլ աշխատակիցների ամենամսյա պարգեւավճարների դուրսգրման մեջ, որոնց համար միջոցները վերցվել են ոստիկանության այն հիմնադրամից, որը նախատեսված Է կասկածելի անձանց նկատմամբ հետաքննություն եւ հսկում վարելու գործողությունների ահպահովման համար:
Գենանն ինքն ավելի վաղ, երբ ՆԳՆ-ն գլխավորում Էր Սարկոզին, զբաղեցրել Է ոստիկանության գլխավոր տնօրենի պաշտոնը եւ շատ լավ ծանոթ Էր դրա ֆինանսավորման ամբողջ մեխանիզմին: Ինչպես պարզվել Է, 2002 – 2004 թվականներն ընկած ժամանակամիջոցում ապօրինի յուրացված միջոցների գումարն ամբողջությամբ վերցված կազմել Է 10 հազար եվրո, որի կեսը Գեանը թողել Է իրեն, իսկ մնացածը բաժանել իր երեք մերձավոր օգնականներին:
Որպես խափանման միջոց դատարան ընտել Է երկամյա բանտարկության պատիժը (մեկ տարին պայմանական) եւ տուգանք 75 հազար եվորոյի չափով: Բացի դրանից, նրան արգելվել Է հինգ տարվա ընթացքում զբաղեցնել պետական պաշտոններ: 2017 թվականին այդ վճիռը հաստատել Է Վերաքննիչ դատարանը, իսկ 2019-ին՝ Վճռաբեկ դատարանը: Կլոդ Գեանը ներքին գործերի, անդրծովյան տարածքների, տեղական ինքնակառավարման եւ ներգաղթի նախարարի պաշտոնն զբաղեցրել Է 2011-ից մինչեւ 2012 թվականը, հաղորդել Է ՏԱՍՍ-ը: