Աշխատանքային այցով Հայաստանում է գտնվում Պաղեստինի Եկեղեցիների հարցով բարձրագույն նախագահական կոմիտեի ղեկավար Մուին Էլիաս Յուսեֆ Խուրիի գլխավորած պատվիրակության անդամները դեկտեմբերի 12-ին այցելել են Հայոց ցեղասպանության հուշահամալիր և հարգանքի տուրք մատուցել Հայոց ցեղասպանության զոհերի հիշատակին։
«Առաջին լրատվական»-ի տեղեկություններով այս այցի շրջանակում քննարկվել է Երուսաղեմի պատրիարքության շուրջ ստեղծված իրավիճակը, մասնավորապես Կովերի պարտեզը 99-ը տարով հրեա գործարարին ապօրինաբար վաճառելու պատրիարքի քայլը:
Հիշեցնենք, որ Երուսաղեմի պատրիարքությունում վանքապատկան «Կովերի պարտեզ» տարածքը 99 տարով հրեա գործարարին վարձակալության տալու շուրջ թնջուկը չի լուծվում: Գործարքը կնքել է Երուսաղեմի հայոց պատրիարք Նուրհան Մանուկյանը, սակայն հոգևորականների, միաբանների մեծ մասը դեմ է դրան և հայտարարում է, որ այն տեղի է ունեցել կոնակադրության կոպիտ խախտմամբ, առանց իրենց տեղյակ պահելու: Պատրիարքի կողմից էլ միաբանների պահանջին ընդառաջ գնալու ցանկություն կարծես չկա: Երուսաղեմի հայ համայնքը նույնիսկ մի քանի անգամ ցույց է կազմակերպել՝ պահանջելով չեղարկել այդ գործարքը:
Այս խնդիրը դուրս է եկել հայկական շրջանակներից, քանի որ այդ գործարքին կտրուկ դեմ են նաև Պաղեստինի ինքնավարության ներկայացուցիչները:
Ըստ էության, Երուսաղեմի պատրիարք Նուրհան Մանուկյանը խախտում է միջազգային օրենքը Հին քաղաքի մեջ կովերի պարտեզը 99 տարով վարձակալությամբ տալով, ինչն առաջ է բերել Պաղեստինի իշխանավարության լուրջ մտահոգությունը, որը նրանք ներկայացրել են նաև Հայաստանի իշխանություններին:
Պաղեստինի Եկեղեցիների հարցով բարձրագույն նախագահական կոմիտեի ղեկավար Մուին Էլիաս Յուսեֆ Խուրիի գլխավորած պատվիրակությանn այսօր ընդունել է ՀՀ նախագահ Արմեն Սարգսյանը, որի ընթացքում մտքեր են փոխանակվել մշակութային, միջկրոնական հարաբերությունների շուրջ: Մեր տեղեկություններով քննարկվել է նաև «Կովերի պարտեզը» վարձակալության տալու հարցը, ինչը նշանակում է, որ Պաղեստինի կողմն ակնկալում է, որ Հայաստանը որևէ ձևով կկարողանա միջամտել և չեղարկել այդ գործարքը:
Ամենայն Հայոց Կաթողիկոսը նույնպես ընդունել է Պաղեստինի՝ Եկեղեցիների հարցով բարձրագույն նախագահական կոմիտեի պատվիրակությանը Հանդիպմանն անդրադարձ է կատարվել Երուսաղեմի Հայոց Պատրիարքարանի կողմից «Կովերի պարտեզ» կալվածքի վարձակալության հանձնելու խնդրին, ինչպես նաև հայկական քրիստոնեական սրբավայրերի և պատմամշակութային ժառանգության պահպանության հարցերին:
