«Առաջին լրատվականը» զրուցել է համաճարակաբան Դավիթ Մելիք-Նուբարյանի հետ
-Պարո´ն Մելիք-Նուբարյան, կորոնավիրուսի նոր շտամի՝ «Օմիկրոնի» մասին ի՞նչ է հայտնի այս պահի դրությամբ: Ի՞նչ արագությամբ է տարածվում և ինչպիսի՞ ընթացք է ունենում հիվանդությունը։
-Դեկտեմբերի առաջին շաբաթի դրությամբ արդեն հայտնաբերվել է Քովիդի «Օմիկրոն» շտամի 274 դեպք Եվրամիության 19 երկրներում։ Ընդ որում՝ նոր շտամի տարածման տեմպն ու հաճախականությունն այնպիսինն է, որ մեկ օրում հայտնաբերվում է երկու երկրում: Այս տեմպերով 10-ը օրվա ընթացքում ամբողջ Եվրամիությունում կհայտնվի։ Եվրամիությունից դուրս նոր շտամը գրանցվել է մոտ 30 երկրում, այդ թվում՝ Ռուսաստանում, որի հետ, ինչպես գիտենք, Հայաստանը առանձնահատուկ սերտ հարաբերություններ ու շփումներ ունի,այդ թվում՝ պետք է հաշվի առնել, որ այս սեզոնին մեր միգրանտները մեծ հոսքով վերադառնում են, և չի բացառվում՝ շուտով այն Հայաստանում կհայտնվի: Մինչ օրս, սակայն, մենք պաշտոնապես հայտարարված կայուն ու սպառիչ տեղեկություն չունենք ՝արդյոք՝ ինչպիսի արագ տեմպերով է վիրուսը զարգանում կամ ինչպիսի վտանգավորություն ու ծանր ընթացք ունի, դրան գումարած՝ դեռ անհայտ է՝ ինչքան արագ ու դյուրին այն կարող է շրջանցել մեր ձեռքբերած իմունիտետը, այսինքն՝ վարակված լինելով՝ մենք նորից հեշտությամբ կվարակվե՞նք, թե՞ ոչ, և ամենակարևորը՝ ինչ ծանրությամբ կընթանա հիվանդությունը և ինչ ազդեցություն կունենա առկա պատվաստանյութերով պատվաստված և որոշակի իմունիտետ ձեռքբերած մարդկանց վրա։ Սրանք հարցեր են, որոնց պատատասխանները դեռ միանշանակ չունենք: Այնուամենայնիվ, անկախ նրանից, որ հստակ տեղեկատվական պաշար չկա վարակի մասին, սակայն անթույլատրելի է մտածողությունը, որ պետք է դադարեցնել պատվաստվելը կամ պատվաստվածները պետք է կասկածի տակ դնելը նոր շտամի հանդեպ ազդեցությունը: Անթույլատրելի է այդ մոտեցումը. միանշակ այն պաշտպանելու է մեր օրգանիզմը վիրուսից։ Օրինակի համար նշեմ, որ դելտա շտամի դեպքում որոշ պատվաստանյութեր 10-20 տոկոսով կորցրին իրենց արդյունավետությունը, սական, ինչպես ցույց են տալիս հետազոտություններն ու ուսումնասիրությունները, այնուամենայնիվ, չկորցրի իրենց կենսական պաշտպանիչ նշանակությունը՝ փրկելով շատ մարդկանց կյանքեր:
-Օմիկրոնով վարակվածների շրջանում մահվան դեպքեր գրանցվե՞լ են:
-Բարեբախտաբար վարակվածների շրջանում դեռևս մահվան դեպք չի գրանցվել: Ուսումնասիրված դեպքերը անցել են առանց ընդգծված ախտանիշերի կամ բավականին թեթև ընթացք են ունեցել: Սա շատ ուրախալի փաստ է, սակայն հիմք ընունել չենք կարող, քանի որ դիտարկումները դեռևս շատ փոքր թվով մադկանց շրջանում է արվել։ Սա ընդգծում եմ, որ հակառակ տպավորություն չստեղծվի, թե պետք է հանգիստ շունչ քաշել, չմտածել պատվաստվելու մասին; Լրիվ հակառակը՝ հաշվի առնելով այս վիրուսի բավականին անկանխատեսելի բնույթ ունենալը, պետք է չպատվասվածները շուտափույթ պատվաստվեն՝կանխելու անկանխտեսելի հետևանքներն ու զարգացումները, դրան զուգահեռ չմոռանալ պահպանել համաճարակային բոլոր կանոնները։ Պատվստումը մնում է քովիդի դեմ ամենաարդյունավետ միջոցը։
-Ինչո՞վ է պայմանավորված Հայաստանում և ´վարակվածության և´ մահվան թվերի կտրուկ նվազումը։
-Բնական պրոցեսի արդյունք է վիրուսի այս փուլի նահանջը։ Ակտիվ ալիքի շրջանը տևեց այնքան, ինչքան պիտի տևեր՝ 10-12 շաբաթ, որից հետո սկսվել է համեմատաբար պասիվ շրջան, որը կտևի 8-10 շաբաթ, եթե, իհարկե, դրամատիկ փոփոխություններ, շեղումներ տեղի չունենան, եթե որակապես չավելացնենք պատվաստվածների քանակը, որի հետևանքով թվերը, կայուն նվազման փոխարեն, կարող են աճել։ Իսկ դա կախված է բացառապես մեր վարքից՝ակտիվ պատվաստվելուց և հակահամաճարակայային կանոնների պահպանվելուց և, իհարկե, բնական ուժեղ իմունիտետ ունենալուց ամեն ինչից առաջ։ Մենք գիտենք,որ գործնականում «Օմիկրոնի» ներթափանցման դեմ ոչինչ չենք կարող անել, հետևաբար պետք է մարդիկ հստակ գիտակցեն, որ քովիդից մահանալը նորմալ չէ, այն վտանգավոր, բայց կառավարելի է և նրա դեմ պետք է պայքարել իմ վերը նշած միջոցներով, ինչպես որ ընդունված է ամբողջ աշխարհում։
