Լիտվայի արտաքին գործերի նախարար Գաբրիելյուս Լանդսբերգիսը պաշտոնական հրաժարականի դիմում է ներկայացրել Լիտվայի հեղինակությանը վնաս պատճառելու պատճառով՝ կապված Լիտվայի տարածքով Բելառուսական ապրանքների տարանցման հետ:
«Տեսնելով ստեղծված իրավիճակը ՝ կապված ԱՄՆ-ի կողմից սահմանված պատժամիջոցներից հետո Լիտվայի տարածքով բելառուսական բեռների տեղափոխման հետ և հասկանալով, թե ինչ վարկանիշային մարտահրավերներ է դա ստեղծում Լիտվայի Հանրապետության կառավարության համար խնդրում եմ ընդունել իմ հրաժարականի դիմումը եւ ինձ հեռացնել արտաքին գործերի նախարարի պաշտոնից»,- Լանդսբերգիսի հայտարարության տեքստը մեջբերել է «ՌԻԱ Նովոստ»-ի գործակալությունը:
Լիտվայում սկանդալ է հասունացել այն բանից հետո, երբ ԱՄՆ-ն պատժամիջոցներ է սահմանել բելառուսական «Բելառուսկալիա» ընկերության դեմ, իսկ լիտվական երկաթուղիները շարունակել են բելառուսական արտադրանքի տարանցումը Լիտվայի տարածքով, որի համար արդեն կանխավճար են ստացել: