««3+2» ձևաչափը լուրջ ապագա չի ունենալու՝ առանց Վրաստանի»,-կարծիք է հայտնում քաղաքագետ Տիգրան Գրիգորյանը։ Հիշեցնենք՝ այսօր Մոսկվայում կայանալու է 44-օրյա պատերազմից հետո Թուրքիայի նախաձեռնած և Ռուսաստանի աջակցությունը ստացած տարածաշրջանային համագործակցության նոր ձևաչափի՝ «3+3» հարթակի առաջին հանդիպումը, որին մասնակից երկրները ներկայանալու են փոխարտգործնախարարների մակարդակով։Վրաստանը հայտարարել է, որ չի մասնակցի մոսկովյան նիստին, նախկինում պարզաբանել էր՝ հարթակին չի միանում Ռուսաստանի հետ հակասությունների պատճառով։ Քաղաքագետը նկատում է՝ ՌԴ քաղաքական ճնշման հետևանքով է Հայաստանը գնում դեպի «3+2» ձևաչափ․ «ՌԴ-ն փորձում է խաղից դուրս թողնել Արևմուտքին, իսկ ՄԽ-ն նրան պետք է իր գործունեությունը լեգիտիմացնելու համար»։