Ոչ մի տեղ իշխանությունը չի պարտվել, այնտեղ որտեղ մենք հաջողություն չենք արձանագրել որպես քաղաքական ուժ, պարտվել է թեկնածուն կամ թիմը, ընդ որում պարտությունն էլ այնպիսին չէ, որ որակենք որպես կատաստրոֆիկ, որովհետև բավականին լուրջ ձայներ են հավաքել մեր թիմակիցները: Այս մասին «Առաջին լրատվական»-ի հետ զրույցում նշեց ԱԺ ՔՊ խմբակցության պատգամավոր Հովիկ Աղազարյանը:
«Չենք պարտվել այն պատճառով, որովհետև այս մշակույթը, որ մեր քաղաքական ուժը արդեն մի քանի տարի է փորձում է սերմանել և դա հաջողվում է ու իր պտուղներն է տալիս, որ բոլորին ակնհայտ լինի, որ ժողովուրդն է իշխանության տերը: հետևաբար, ես այստեղ ոչ մի դատապարտելի, սարսափելի բան չեմ տեսնում, ընտրվել են մեր հայրենակիցները և նրանք ՔՊ-ական ընդդիմադիր խոշորացուցային հսկողության տակ պատվով ու հաջողությամբ կծառայեն իրենց համայնքի ժողովրդին»,-ասաց նա:
