Ֆուտբոլի Հայաստանի ազգային հավաքականի ֆուտբոլիստների տրանսֆերային արժեքը շարունակում է աճել։ Մեր ազգային թիմի խաղացողների տրանսֆերային ընդհանուր արժեքն այս պահին 41․78 միլիոն եվրո է։ Սա բավական բարձր ցուցանիշ է։ Վերջին ամիսին 200 հազար եվրոյով ավելացել է «Բոկա Խունյորսում» ելույթ ունեցող Նորբերտո Բրիասկոյի տրանսֆերային արժեքը հասնելով երկու միլիլոն եվրոյի։ Մոտ մեկ ամիս առաջ էլ «Կադիսի» կենտրոնական պաշտպան Վարազդատ Հարոյանի տրանսֆերային արժեքը գերազանցեց մեկ միլիոն եվրոն։ Տրանսֆերմարկետ պարբերականի տվյալներով՝ մեր ֆուտբոլիստի տրանսֆերային արժեքն ավելացել է 300 հազար եվրոյով և կազմում է 1․2 միլիոն եվրո։ Հիշեցնենք, որ Հարոյանը իսպանական ակումբ էր տեղափոխվել այս տարվա մայիսին։ Մինչ այդ նա ելույթ էր ունենում ղազախական «Աստանայում»։ Տեղափոխվելով Լա լիգա Հարոյանն աչքի ընկավ որակյալ խաղով դառնալով նաև գոլի հեղինակ։ Դրանով պայմանավորված հայ պաշտպանի տրասֆերը զգալիորեն աճեց։ Հոկտեմբերին, Հարոյանը դարձավ մեր ազգային թիմի 8-րդ ֆուտբոլիստը, որի տրանսֆերային արժեքը գերազանցում է մեկ միլիոն եվրոն։ Վերջին մեկ տարվա ընթացքում մեր ազգային թիմում պատկերը զգալիորեն փոխվել է։
Դրական միտումն ինչ խոսք կապված է նաև նոր ֆուտբոլիստների համալրումով։ Մասնավորապես, Հայաստանի ազգային հավաքականում վերջին մեկ տարվա ընթաքում հայտնվեցին մի քանի նոր ֆուտբոլիստներ։ Նրանցից կարելի է առանձնացել մասնավորապես Խորեն Բայրամյանին, Էդուարդ Սպերցյանին և վերջապես Լուկաս Սելարայանին, որը հայկական ֆուտբոլային քաղաքացիություն ընդունեց հոկտեմբերին Իսլանդիայի և Ռումինիայի հավաքականի դեմ վերջին հանդիպումներին ընդառաջ։Սելարայանի պես բարձրակարգ ֆուտբոլիստը գալուստը ինչ խոսք մեծ իրադարձություն էր մեզ համար։ Այս ֆուտբոլիստը հիանալի մրցաշրջան է անցկացնում ամերիկյան «Կոլուբս Քրյու» ակումբում։ Օրեր առաջ Սելարայանը երեք տարով երկարաձգեց պայմանագիրը իր ակումբի հետ։ Ըստ Տրանսֆերմարկետի Սելարայանի տրանսֆերն այսօր կազմում է 8 միլիոն եվրո։ Վերջին մեկ ամսվա ընթացքում Սելարայանի տրանսֆերը նվազել է 3 միլիոն եվրոյով։ «Կրասնոդարի» կազմում իր հերթին հիանալի մրցաշրջան է անցկացնում Էդուարդ Սպերցյանը, որը ճանաչվել է նախորդ մրցաշրջանի Ռուսաստանի ազգային լիգայի լավագույ երիտասարդ ֆուտբոլիստ։ Տպավորիչ խաղին զուգահեռ աճել է նաև 21-ամյա հայ կիսապաշտպանի տրանսֆերային արժեքը։ Այն ավելանալով 200 հազար եվրոյով՝ այժմ կազմում է 1․1 եվրո։ Ինչ վերաբերվում է Բայրամյանին, ապա այս ֆուտբոլիստի տրանսֆերը վերջին ամիսներին որոշակի անկում է ապրել։ 2020 թվականի համեմատ այն ավելացել էր 200 հազարով և նախորդ մրցաշրջանի ավարտին կազմում էր 3 միլիոն։ Ըստ Տրանսֆերմարկետ պարբերականի վերջին ամիսներին Բայրամյանի տրանսֆերը նվազել է 250 հազր եվրոյով և հիմա կազմում է 2․5 միլիոն եվրո։ Երեկ Սլովակիայի չեմպիոն «Սլովանի» հետ պայմանագիր կնքած Տիգրան Բարսեղյանի տրանսֆերային արժեքը ևս կազմում է 2․5 միլիոն եվրո։
Ինչևէ, եթե 2020 թվականի վերջին Հայաստանն ուներ 4 ֆուտբոլիստ, որոնց տրանսֆերային արժեքը գերազանցում էր մեկ միլիոն եվրոն, ապա այսօր ունենք միլիոն և ավելի տրանսֆերային արժեք ունեցող միանգամից 8 ֆուտբոլիստներ։ Եվ այսպես, առաջին հորիզոնականում է մեր հավաքականի ավագ Հենրիխ Մխիթարյանը, որի տրանսֆերը կազմում է 15 միլիոն եվրո։ Մխիթարյանից հետո հայաստանցի երկրորդ ամենաթանկ ֆուտբոլիստը Սելարայանն է։ Վերջինիս հաջորդում է «Հոֆենհայմի» հարձակվող Սարգիս Ադամյանն է, ում տրանսֆերը 3․5 միլիոն եվրո է։ Խորեն Բայրամյանը չորրորդ հորիզոնականում է, իսկ լավագույ հնգյակը եզրափակում է Տիգրան Բարսեղյանը։ Բալեկյանը գտնվում է 6-րդ հորիզոնականում է։ Վարազդատ Հարոյանը միլիոնանոց ֆուտբոլիստների հաշվարկում 7-րդն է, իսկ 8-րդ հորիզոնականում Էդուարդ Սպերցյանն է։ Այսօր կարող ենք արձանագրել, որ Հայաստանի հավաքականի հիմնական կազմի ֆուտբոլիստերի հիմնական մասն ունեն մեկ միլիոն և ավելւ տրանսֆերային արժեք ինչ բավական լավ ցուցանիշ է։
Մեր հավաքականի 9-րդ միլիոնանոց ֆուտբոլիստը կարող է դառնալ «Կայրաթի» պաշտպան Կամո Հովհաննիսյանը։ Ըստ ղազախական մամուլի Հովհաննիսյանը ձմեռային տրանսֆերային պատուհանի ընթացքում կարող է հայտնվել իսպանական Լա լիգայի թիմերից մեկում։ Վերջին ամիսներին Հովհաննիսյանի տրանսֆերային արժեքն ավելացել է 300 հազար եվրոյով և կազմում է 900 հազար եվրո։
