Ասիական ֆոնդային շուկաները հինգշաբթի աճուրդների ընթացքում իենի` դոլարի հանդեպ ամրապնդվելու ֆոնի վրա ցույց են տալիս իջեցում, վկայում են աճուրդների տվյալները:
Չորեքշաբթի օրվա աճուրդի տվյալներով՝ իենը դոլարի հանդեպ ամրապնդվել է մինչև 76.59 իեն՝ մեկ դոլարի դիմաց (մեկ օր առաջ՝ 76.81 իեն՝ մեկ դոլարի դիմաց): Իենի փոխարժեքի բարձրացումը սովորաբար բացասական է ընդունվում ներդրողների կողմից, քանի որ դա նշանակում է ճապոնական արտահանող կորպորացիաների շահույթի նվազում:
Միաժամանակ բարձր փոփոխականության և տնտեսական անորոշության շրջանում ներդրողները նախընտրում են գնալ դեպի իենը, որը համարվում է վստահելի ակտիվ և Ճապոնիայում պաշտպանված է շարունակական արժեզրկումից:
«Իենի աճը ճնշում է ճապոնական ֆոնդային շուկաները»,- Bloomberg գործակալությանը պարզաբանել է՝ Chuo Mitsui Asset Management Co. ընկերության փորձագետ Նաոտերա Տերաոկան:
«Այլ երկրների իենը և տնտեսությունն անհանգստացնում են մարդկանց: Չնայած այն բանին, որ խուճապն անցել է, սակայն ոչինչ դեռ որոշված չէ»,- ավելացրել է փորձագետը:
Հոնկոնգի Hang Seng-ը աճել է 0.01%-ով և կազմել 20291.80 նիշ: Ճապոնական Nikkei 225-ը նույն ժամանակ նվազել է 0.67%-ով` կազմելով 8996.93 նիշ: Շանհայի SSE Composite-ը կորցրել է 0.34%` կազմելով 2592.36 նիշ: Կորեայի KOSPI-ն իջել է 1.67%-ով և կազմել 1861.06 նիշ:
