Ադրբեջանական 1news.az-ի փոխանցմամբ` հայաստանայն իշխանությունների հետ երեկ կայացած բանակցություններից հետո ԵԱՀԿ Մինսկի խմբի Ռուսաստանի ու ԱՄՆ համանախագահները կրկին վերադարձել են Բաքում: Բաքվի օդանավակայանում, ՌԴ համանախագահ Իգոր Պոպովը մեկնաբանել է Հայաստանում անցկացրած բանակցությունները:
«Հանդիպումն անցել է նորմալ աշխատանքային մթնոլորտում: Քննարկել ենք Աստանայում կայանալիք գագաթնաժողովի նախապատրաստական հարցեր: Այստեղ նախանշված է գործնական հանդիպում, որտեղից և կմեկնենք Աստանա», – լրագրողներին ասել է Պոպովը:
Ռուսաստանցի համանախագահը մեկնաբանել է նաև գագաթաժողովին նախագահների մասնակցության հարցը: «Կարծում ենք, Հայաստանի և Ադրբեջանի նախագահները կմասնակցեն ԵԱՀԿ գագաթաժողովին: Որպեսզի արդյունքներն իմանանք, պետք է սպասենք այդ հանդիպմանը: Թե ինչ ձևաչափով է ընթանալու հանդիպումը, դեռ քննարկումների առարկա է: Կարծում եմ, գագաթաժողովի նախօրեին` կհստակեցվի», -նշել է ռուսաստանցի դիվանագետը:
