ՀՀ արտակարգ իրավիճակների և ՌԴ քաղաքացիական պաշտպանության, արտակարգ իրավիճակների և աղետների հետևանքների վերացման նախարարությունների համագործակցության շրջանակում դեկտեմբերի 6-ին Երևանում կանցկացնի միջազգային գիտաժողով՝ «Սպիտակի երկրաշարժի պատմական փորձը, սեյսմիկ անվտանգության ժամանակակից տեխնոլոգիաներ» խորագրով:
Ինչպես տեղեկացրին ՀՀ ԱԻՆ-ից, գիտաժողովին մասնակցելու նպատակով աշխատանքային այցով Հայաստան կժամանի ՌԴ ԱԻՆ պատվիրակությունը՝ փոխնախարար Նիկոլայ Գրեչուշկինի գլխավորությամբ: Պատվիրակությունը կլինի նաև Ռուս-հայկական մարդասիրական արձագանքման կենտրոնում՝ ներկա գտնվելու երկրաշարժի հետևանքների վերացման սցենարով միջազգային վարժանքին, որից հետո տեղի կունենա կենտրոնի վարչության հերթական նիստը:
Ըստ աղբյուրի՝ դեկտեմբերի 7-ին հյուրերը կայցելեն Գյումրի՝ հարգանքի տուրք մատուցելու 1988թ.-ի երկրաշարժի զոհերի հիշատակին:
