Ավստրիայի նախկին կանցլեր Սեբաստիան Կուրցը դեկտեմբերի 1-ին Վիեննայում կայացած մամուլի ասուլիսում պաշտոնապես հայտարարել Է, որ թողնում Է «Կանաչների» հետ կոալիցիան գլխավորող Ավստրիայի ժողովրդական կուսակցության (ԱԺԿ) նախագահի պաշտոնը եւ հեռանում Է Ավստրիայի քաղաքականությունից:
Նրա խոսքով՝ 10 տարվա ընթացքում տարբեր պաշտոններում լինելով քաղաքականության մեջ եւ կառավարությունում՝ ինքը շատ բան Է սովորել եւ չափազանց շնորհակալ Է այդ ժամանակի համար: Անցած շաբաթները դյուրին չեն եղել իր համար ներկուսակցական իրադարձությունների ֆոնին, իսկ որդու ծնունդը դարձել Է առանձնահատուկ հրաշք եւ ուրախություն իր կյանքում, խոստովանել Է Կուրցը: «Վաղը ես կհրավիրեմ կուսակցության նախագահության հանդիպում եւ կհանձնեմ կուսակցության նախագահի՝ իմ լիազորությունները,- ասել Է Կուրցը:- Հետագա շաբաթների ընթացքում վայր կդնեմ իմ բոլոր քաղաքական պարտականությունները»:
Ավելի վաղ Կուրցի այս պլանների մասին հայտնել Է Kronen Zeitung թերթը: Հրատարակության տեղեկատվությամբ Կուրցն այդ որշումն ընդունել Է որդու ծնվելուց հետո:
ԱԺԿ-ի առաջնորդ պետք Է դառնա ներքին գործերի նախարար Կառլ Նեհամերը: Նոյեմբերի 27-ին Կուրցը հայտնել Է, որ ինքը եւ իր կյանքի ուղեկցուհին ունեցել են առաջին երեխան: Զույգը նորածնին Կոնստանտին Է կոչել:
Կուրցը 2021 թվականի հոկտեմբերին թողել Է Ավստրիայի կանցլերի պաշտոնը՝ կաշառակերության աջակցման եւ վստահության չարաշահման կասկածանքով իր նկատմամբ վարվող հետաքննության պատճառով, հաղորդել Է ՏԱՍՍ-ը:
