Ադրբեջանցիներն Իշխանասարից չեն հեռացել եղանակային պայմանների պատճառով գուցե թաքնվել են. Վահե Հակոբյան

«Ես կարծում եմ պնդումները հիմք չունեն։ Ադրբեջանցիները շարունակում են մնալ իրենց դիրքերում։ Համոզված եմ, որ ոչ մի միլիմետր հետ չենք քաշվել։ Ինչի՞ դիմաց պետք է դա անեին՝ մեր ՊՆ-ից վախեցա՞ն»,- այս մասին այսօր խորհրդարանում հայտարարեց «Հայաստան» խմբակցության պատգամավոր Վահե Հակոբյանն՝ անդրադառնալով տեղեկություններին, որ ադրբեջանցիները հետ են քաշվել Իշխանասարի հատվածից և նման պայմանավորվածություն եղել է։ Հակոբյանը նշեց, որ ինքը նման տեղեկություն չունի։ Հակոբյանը խորհուրդ տվեց տեղեկությունները ճշտել պաշտպանության նախարարությունից։ Ենթադրեց, որ ադրբեջանցիներն ուղղակի թաքնվել են վատ եղանակային պայմանների պատճառով։