Եգիպտոսի առողջապահության նախարարությունը պաշտոնապես չի հաստատում երկրում կորոնավիրուսի նոր շտամի՝ «օմիկրոն»-ի առկայությունը: ՏԱՍՍ գործակալությունը տեղեկացնում է, որ այս մասին հայտնել է առողջապահության պաշտոնական ներկայացուցիչը: Նա ընդգծել է, որ Հարավաֆրիկյան Հանրապետությունից Եգիպտոս եկած բոլոր քաղաքացիները հանձնել են համապատասխան թեստ, որոնց պատասխանները բացասական են եղել:
Ավելի վաղ լրատվամիջոցներում տեղեկություն էր հրապարակվել այն մասին, որ Կահիրեի օդանավակայանի աղբյուրը հայտնում է Հարավաֆրիկյան Հանրապետությունից եկած քաղաքացու՝ կորոնավիրուսի «օմիկրոն» շտամով վարակվելու մասին:
Կորոնավիրուսի նոր շատմի ի հայտ գալու կապակցությամբ, Եգիպտոսի իշխանությունները բոլոր օդանավակայաններում ու սահմանային անցման կետերում ուժեղացրել են վերահսկողությունը: