Tuesday, 25 01 2022
01:00
Իտալիայի խորհրդարանը սկսել է նախագահական ընտրությունների գործընթացը
Ինչ է անում կառավարությունը գնաճի սոցիալական հետևանքները վերացնելու համար. պարզաբանում է վարչապետը
Վահագն Ալեքսանյանի հայտարարությունը պետք չէ կոնտեքստից կտրել. նա տվել է քաղաքական գնահատական
00:42
Կիևում դեսպանատան աշխատակիցների ընտանիքները պետք է լքեն Ուկրաինան. ԱՄՆ պետդեպ
Գնում ենք ժողովրդավարության ուղիով. Փաշինյանը` իշխանության հասցեին հայհոյախառն քննադատությունների մասին
Մարտի 1-ի գործով ինձ մեղսագրված բոլոր մեղադրանքները անհիմն են․ Փաշինյանը՝ ՄԻԵԴ-ի որոշման մասին
00:30
Գերմանիայում անհայտ անձը կրակ է բացել համալսարանի լսարաններից մեկում
Ով է ասել` դավաճանությունը անարձագանք է մնալու. Փաշինյանը` դիվանագիտական ծառայության աշխատանքի մասին
Ծառուկյանի հայտարարությանը հետևած բանավեճը կարևոր շերտեր բացեց. Փաշինյան
00:15
Մեքսիկան աշխարհի ամենավտանգավոր երկիրն է մամուլի համար
Կորոնավիրուսի դեպքերը աճելու են. սահմանափակումները տնտեսվարողների համար է. Փաշինյան
Պոլսո Հայոց պատրիարքը ապաքինվել է կորոնավիրուսից
Փաշինյանը պատասխանում է` «այսքան ձախողումներից հետո չե՞ք պատրաստվում հրաժարական տալ» հարցին
Փաշինյանն անդրադարձավ Հիսուս Քրիստոսի արձանը կառուցելու նախաձեռնությանը
Պապիկյանն ու Ավինյանը չեն գնացել բուհերը ՔՊ-ականացնելու. Փաշինյան
Անվտանգության ապահովման ամբողջ բեռը չպետք է դնել բանակի վրա. Փաշինյան
23:30
Բայդենը եվրոպական երկրների ղեկավարների հետ կքննարկի Ուկրաինայի շուրջ ճգնաժամը
ՌԴ-ի հայ համայնքը կարող է օգնել հայ-ռուսական հարաբերությունների զարգացմանը և ոչ թե որոշ շրջանակներ պրոբլեմներ առաջացնեն
Սրճարանում Փաշինյանից և նրա ընտանիքից պահանջել են կորոնավիրուսի պատվաստումը հաստատող QR կոդը
ՀՀ կառավարությունը չի դիմել ուժային լուծման. դա ապացուցել ենք նոյեմբերի 9-ից հետո. Փաշինյան
Պարեկները հունվարի 17-ից 24-ը Երևանում հայտնաբերել են ճանապարհային երթևեկության կանոնների 1544 խախտում
Հուսով եմ` «եթե»-ներին չի հասնի բանը և իրավիճակը չի հասնի ռազմական բախման. Փաշինյան
Հրշեջները մարել են Էջմիածնում բռնկված հրդեհը
Հայաստանի դիրքորոշումը այն է, որ Ուկրաինայի հետ հարցերը լուծվեն դիվանագիտական ճանապարհով. Փաշինյան
Բանակցային գործընթացում երբեք ԼՂ ինքնավար մարզը չի դիտարկվել միայն հայկական տարածք. վարչապետ
Հռոդոսի քաղաքապետարանը և Աթենքի Օմոնիա հրապարակի շատրվանները լուսավորվել են հայկական եռագույնով
Արցախը կոմունիկացիաների բացումից շահելու է անվտանգություն. Փաշինյան
Փաշինյանը բացառեց ՀԱՊԿ ուժերի ներգրավումը ներքաղաքական գործընթացները ճնշելու հարցում
Փաշինյանը` գաղտնի փաստաթղթի և ՄԽ բանակցությունների մասին
ՀՀ զինված ուժերի համար տարածքներ նվաճելու խնդիր չենք դնելու. Նիկոլ Փաշինյան

Հայաստանն առանձնահատուկ տեղ է հատկացնում Գերմանիայի հետ համագործակցությանը. Աշոտ Սմբատյան

Լեռնային Ղարաբաղի ապագա կարգավիճակի համար պետք է խաղաղ լուծում գտնել՝ տեղի բնակչության անմիջական ներգրավմամբ և Մինսկի խմբի համանախագահության հովանու ներքո։ Այս մասին նշել է Գերմանիայում իր դիվանագիտական առաքելությունն ավարտող ՀՀ դեսպան Աշոտ Սմբատյանը Գերմանական ամենախոշոր Խմբագրությունների միությանը (RND) տված հարցազրույցում: Դեսպանն անդրադարձել է ինչպես Հայաստանի տարածաշրջանային անվտանգությանը վերաբերող, այնպես էլ Գերմանիայի հետ համագործակցության հարցերին:

-Պարո՛ն դեսպան, ըստ հայկական կողմի՝ ի՞նչ տվեց Սոչիի հանդիպումը:

-Երկխոսությունը միշտ էլ լավ է: Հույս ունեմ, որ այս երկխոսության արդյունքում նախևառաջ կլռի ադրբեջանական զենքը, ինչպես նաև ազատ կարձակվեն հայ գերիները: Ռուսաստանի միջնորդությամբ կայացած այս գագաթաժողովը պետք է հանգեցնի կողմերի մերձեցմանը:

-Հայաստանի և Ադրբեջանի միջև 44-օրյա պատերազմը հնարավոր եղավ դադարեցնել միայն Ռուսաստանի օգնությամբ: Պատերազմի ընթացքում զոհվեց 6900 մարդ, Ադրբեջանը հետ գրավեց վիճելի Լեռնային Ղարաբաղի շրջանի շուրջ 1/3-ը։ Արդյո՞ք այժմ պահպանվում է այս տարածքային բաժանումը։

-Նախորդ տարվա սեպտեմբերի 27-ին Ադրբեջանը պատերազմ սկսեց Լեռնային Ղարաբաղի ժողովրդի դեմ՝ խախտելով Հելսինկյան եզրափակիչ ակտի հիմնարար սկզբունքը՝ ուժի կամ ուժի սպառնալիքի կիրառման բացառումը, որը տևեց 44 օր։ Այս պատերազմը, որն Ադրբեջանը մղեց Թուրքիայի ակտիվ աջակցությամբ և որի հետևանքով հազարավոր մարդիկ զոհվեցին ու արտաքսվեցին իրենց պապենական տներից, լուծման չհանգեցրեց, հակառակը։ Ռուս խաղաղապահները հետագա արյունահեղության կանխման երաշխավորն են։

Լեռնային Ղարաբաղի ապագա կարգավիճակի համար պետք է խաղաղ լուծում գտնել՝ տեղի բնակչության անմիջական ներգրավմամբ և Մինսկի խմբի համանախագահության հովանու ներքո։ Այստեղ ԵՄ-ն և միջազգային հանրությունը մեծ պատասխանատվություն ունեն՝ տեղում հումանիտար իրավիճակը կայունացնելու համար։ Հայաստանն իր հերթին կանի հնարավորինս այդ ուղղությամբ:

-Ձեր վարչապետ Նիկոլ Փաշինյանը, ով 2018թ. իր ուղին սկսեց որպես բարեփոխիչ, պարտվեց այս պատերազմում, սակայն հաղթեց հունիսին կայացած արտահերթ խորհրդարանական ընտրություններում։ Արդյո՞ք նա Ռուսաստանի միջնորդությամբ հրադադարի երաշխավորն է։

-Նույնիսկ եթե ենթադրենք, որ 2020թ. նոյեմբերի 9-ին Հայաստանի, Ռուսաստանի և Ադրբեջանի եռակողմ հռչակագիրը վերջ դրեց Ադրբեջանի ագրեսիային, միևնույն է, իրավիճակը փխրուն է մնում։ Ադրբեջանը մինչ օրս չի պահպանում վերոնշյալ հայտարարության դրույթները, մասնավորապես, գերիների ազատ արձակումը, ռազմատենչ հռետորաբանության դադարեցումը և Հայաստանի ինքնիշխան տարածք ներխուժումը։

Ֆրանսիան, Ռուսաստանն ու ԱՄՆ-ն, որպես ԵԱՀԿ Մինսկի խմբի համանախագահներ՝ այս հակամարտությունում միջնորդության միջազգային մանդատ ունեցող միակ ձևաչափ, շարունակում են կրել Լեռնային Ղարաբաղի հիմնախնդրի խաղաղ կարգավորման հիմնական պատասխանատվությունը։ Խաղաղության կարելի է հասնել միայն երկխոսության և փոխզիջման գնալու փոխադարձ պատրաստակամության միջոցով: Մեր միակողմանի բարի կամքի դրսևորումը բավարար չէ: Նույնիսկ 2021թ. հունիսի ընտրություններից հետո մեր կառավարության ուշադրության կենտրոնում է մնալու բարեփոխումների իրականացումը։ Մենք շարունակում ենք ռազմավարական հարաբերություններ պահպանել Ռուսաստանի հետ՝ ռազմաքաղաքական, տնտեսական, ենթակառուցվածքային և մշակութային ոլորտներում։

-Ադրբեջանն ու Թուրքիան պատերազմի ավարտից հետո նախաձեռնեցին 3+3 ձևաչափը՝ որպես համագործակցության հարթակ Կովկասի համար։ Բացի հարավկովկասյան երեք պետություններից՝ Հայաստանից, Ադրբեջանից և Վրաստանից, այն ներառում է պատմականորեն խոշոր և տարածաշրջանային տերությունները՝ Ռուսաստանը, Թուրքիան և Իրանը։ Կարո՞ղ է այս ձևաչափն իսկապես երաշխավորել համագործակցությունը:

-Տարածաշրջանային համագործակցության համար արդյունավետ կարող է լինել ցանկացած ձևաչափ. այդուհանդերձ, այդ ձևաչափի օրակարգը չպետք է ընդգրկի այնպիսի թեմաներ, որոնք արդեն իսկ քննարկվում են այլ ձևաչափերում՝ համաձայն մեր պայմանավորվածությունների։ 3+3 ձևաչափը պետք է համապարփակ խնդիրներ ներառի՝ հիմնված բոլոր ներգրավված երկրների համար շահավետ զարգացումների վրա: Հակառակ դեպքում, երկկողմ հարաբերություններում առկա խնդիրները կտեղափոխվեն նոր՝ բազմակողմ հարթության, ինչը կարող է խոչընդոտել թե՛ այդ բազմակողմ, թե՛ երկկողմ երկխոսությանը։

-6 տարի անց՝ 2021 թվականի նոյեմբերին, ավարտվեց Ձեր առաքելությունը՝ որպես Գերմանիայում Հայաստանի դեսպան։ Ի՞նչ իրադարձություն է թողել Ձեզ վրա ամենատևական (ամենախորը) տպավորությունը:

-Այս վեց տարիների ընթացքում ինձ համար եղել են շատ զգացմունքային պահեր։ Այդպիսի իրադարձություններից էր 2016թ. Հայոց ցեղասպանությունը ճանաչող բանաձևի ընդունումը Գերմանիայի Բունդեսթագի կողմից, որից հետո Գերմանիայի տարբեր քաղաքներում, հատկապես այստեղ՝ Բեռլինի սրտում, տեղի ունեցան «ոգեկոչելու և հիշելու» նպատակով հուշաքարերի և խաչքարերի տեղադրման և օծման արարողություններ: Սա շատ կարևոր էր Հայաստան ի և անձամբ իմ համար:

Որպես մշակութային հարաբերությունների գագաթնակետ կարելի է հիշատակել Ալթոնայի 350-ամյակի առթիվ Հայաստանի Գիտությունների ազգային ակադեմիայի գրադարանում հայտնաբերված Գեորգ Ֆիլիպ Թելեմանի հոբելյանական կանտատի բնօրինակ ձեռագիր պարտիտուրի հանդիսավոր հանձնումը։

Գերմանիան տեխնիկական և ֆինանսական զգալի օգնություն է ցուցաբերել իմ երկրին՝ տնտեսության և ենթակառուցվածքների զարգացման նպատակով, ինչպես նաև աջակցել է ԵՄ-ի հետ մեր մերձեցմանը Արևելյան գործընկերության շրջանակներում: Գերմանական մի շարք հիմնադրամներ աջակցում են տաղանդավոր հայ երիտասարդ գիտնականներին և տարբեր հետազոտական նախագծերին: Առկա է 15-ից ավելի համալսարանական, ինչպես նաև քաղաքային և բազմաթիվ դպրոցական գործընկերություններ:

Հայաստանը առանձնահատուկ տեղ է հատկացնում Գերմանիայի Դաշնային Հանրապետության հետ համագործակցությանը։ Ամփոփելով կարող եմ նշել, որ Գերմանիայում անցկացրած վեց տարիները Հայաստանի համար միշտ չէ, որ հեշտ տարիներ էին։ Բայց դրանք հետաքրքիր էին, երբեմն նաև հիասթափեցնող, բայց բոլոր առումներով իմ գիտելիքներն ու հմտությունները շատ հարստացնող:

-Երբ 1915-1917թթ. թուրքերի կողմից հայերի հալածանքները վերաճեցին ցեղասպանության՝ 1,5 միլիոն զոհերով, Մայնի Ֆրանկֆուրտում հիմնադրված Հայաստանի օգնության ֆոնդը մեծածավալ օգնություն ցուցաբերեց: Միությունը, որը 1996թ. վերանվանվեց «Քրիստոնեական օգնության միություն Արևելքում», դեռևս խաղո՞ւմ է արդյոք որոշակի դեր Հայաստանում։

-Դա պարզապես հետապնդումներ չէին, այլ ի սկզբանե ծրագրված և համակարգված իրականացվող ցեղասպանություն: «Գերմանական օգնության միություն Հայաստանի համար» կազմակերպությունը հիմնադրվել է 125 տարի առաջ և հետագայում վերանվանվել է «Գերմանական օգնության միություն Արևելքի քրիստոնյաների սիրո համար»: Հիմնադրման պատճառը 19-րդ դարավերջին համիդյան ջարդերի զոհ դարձած հայերին օգնելու հրամայականն էր: Մինչ օրս միությունը շարունակում է օգնություն ցուցաբերել հայերին։

2020թ. աշնանը Լեռնային Ղարաբաղի բնակչության դեմ Ադրբեջանի կողմից սանձազերծված ագրեսիայից հետո ավելի քան 100.000 մարդ ապաստան գտավ Հայաստանում։ Ոմանք վերադարձան Արցախ, բայց ցավոք ոչ բոլորը կարողացան տուն վերադառնալ, քանի որ նրանց տները բռնազավթվել են Ադրբեջանի կողմից։ «DIACONIA բարեգործական հիմնադրամ» գործընկեր կազմակերպության հետ համատեղ՝ նշյալ միությունն աջակցում է Լեռնային Ղարաբաղից փախստական դարձած այս ընտանիքներին: Բացի այդ, նրանք այժմ խնամում են ավելի քան 3300 սաների Հայաստանում և կառուցում խնամակալական հաստատություններ։ Նրանք օգնության ծրագրեր են իրականացնում ոչ միայն Հայաստանում, այլ նաև Սիրիայում, Լիբանանում և Իրաքում:

Բաժիններ
Ուղիղ
Լրահոս
Որոնում