Հեղուկ և սեղմված գազի գները Հայաստանում շարունակում են աճել։ Միայն վերջին 1 ամսում հեղուկ գազի գինը Հայաստանում թանկացել է 20 դրամով։ Շատ փորձագետների կարծիքով, սակայն, նոր թանկացումները դեռ առջևում են։ Էներգետիկ անվտանգության ինստիտուտն արդեն հաստատել է, որ Իրանից Հայաստան ներկրվող հեղուկ վառելիքի ծավալը կտրուկ նվազել է։
Տնտեսագետ Արմեն Քթոյանը կարծում է, որ նմանօրինակ գնաճային և պակասորդի ռիսկեր կան ոչ միայն վառելիքի պարագայում, նաև այլ տնտեսական ապրանքների։ Դրա պատճառներից մեկը, ըստ նրա, այն է, որ Իրանից մատակարարումը ինքնին թանկ է, իսկ նոր այլընտրանքային ճանապարհը, լինելով նախորդ Գորիս-Կապանից ավելի աննպաստավոր, ավելի շատ ծախս է պահանջում, ինչը ազդելու է ապրանքների ինքնարժեքի վրա և չի բացառվում, որ ներկրման կտրուկ նվազում նկատվի՝ դառնալով ավելի մեծ գնաճի պատճառ, մանավանդ՝ եթե հաշվի առնենք ձմեռային սեզոնը, սպասվող անցանելիության ու փոխադրումների խնդիրները։ «Չի բացառվում, ցավոք, որ ներկրումն Իրանից ավելի կնվազի և շուկայում առաջացող պակասուրդը դարձյալ հավասարակշռվի Ռուսաստանից ներկրումով»,-նշեց Քթոյանը։
Դիտարկմանը, թե խոսակցություն կա, որ Ռուսաստանը նպատակ ունի սահմանափկել վառելիքի և նավթամթերքի արտահանումը՝ հաշվի առնելով ներքին շուկայի գնաճը զսպելու նպատակով, այդ դեպքում ինչ պետք է անենք, Քթոյանը պատասխանեց, որ դեռևս չի սպասվում Ռուսաստանից այդպիսի գործիքների կիրառումը, թեև մի անգամ արդեն նման որոշում կայացրել է։ Դա նաև կապված է արտաքին շուկայից, բայց մյուս կողմից՝ նա այդքան հեշտ չի կարող դնել ու փակել, կողմերը բնականաբար կփորձեն այյլ տիպի համաձայնությունների գալ, ինչպես որ անում են հաճախ։ Իհարկե, այս համատեքստում հնարավոր է նաև պակասուրդի և գնաճի խնդիր առաջանա նաև այս խոչընդոտներով պայմանավորված։ Այնուամենայնիվ, ըստ տնտեսագետի թանկացումների հավանականությունը մեծ է, բայց դժվար է ասել, որ դրանք կտրուկ բնույթ կկրեն, իսկ եթե լինեն լուրջ ու մտահոգիչ խնդիրներ ու իրավիճակ, դա կկրի կարճաժամկետ,գուցե՝ սեզոնային բնույթ՝ կապված լոգիստիկ բարդություններով։ «Բանն այն է, որ Ռուսաստանից այլ ապրանքերի, օրինակ՝շինանյութի ներկրման հարցերում ևս խնդիրներ են առաջացել արդեն տևական ժամանակ։ Դրա պատճառներից մեկն այն է, որ Ռուսաստանի համար նոր մեծ շուկաներ կա դեպի Արաբական աշխարհ, ինչի հետևանքով հայկականը հայտնվել է ածանցյալ դիրքում։ Որոշակի ապրանքների պակասուրդ առաջացել է և կառաջանա պակասորդ»,-կարծում է տնտեսագետը։
Քթոյանը նաև անդրադարձավ այդքան չարչրկված տնտեսվարողների կողմից ներքին մրցակցային անբարեխղճության, մոնոպոլիայի, գերշահույթի առաջացման հավանականությանը և ևս մեկ անգամ հաստատեց, որ դա քիչ հավանական է։ Նա իր կարծիքը հիմնավորում է հանգամանքով, որ այսքան լոգիստիկ, ճանապարհային, դրան գումարած՝ Ռուսաստանի արտահանման ծավալների կրճատման խնդիրներին զուգահեռ իրենք ինչ-ինչ մութ պայմանավորվածություններով ստեղծեն արհեստական գնաճ կամ այլ խնդիրներ։ Դա արդեն կվնասի իրենց բիզնեսին, ինչը անիրատեսական ՝ ըստ տնտեսագետի, և բացի այդ՝ վերջին տարիներին շուկան գնում է ազատականացման,մրցակցային պայմանները գրեթե հավասար են և առողջ մթնոորտ է բավականին։ «Այդպիսի չարաշահումների համար նպաստավոր պայմաններ այլևս չկան»,-եզրափակեց մեր զրուցակիցը։
