Այսօր Facebook սոցցանցում տարածվել է հայտարարություն այն մասին, որ շուկայում հայտվել են «Նոյ» ապրանքանիշի ջրեր, որոնք չունեն համապատասխան որակական հատկանիշներ։ Արամազդ Իսկանդարյանն այսօր խանութում գնել է ջուր, որ շշալցված է եղել մինչև վերջ և պարունակել է պղպջակներ։ Նա ցանկացել է փոխել շիշը, սակայն պարզվել է, որ խանութի բոլոր «Նոյ»-երը նույն կերպ են շշալցված։
Այս առիթով «Առաջին լրատվական»-ը դիմեց Սննդամթերքի անվտանգության պետական ծառայությանը, իմանալու համար, թե այդ գերատեսչությունն իրականցնո՞ւմ է արդյոք վերահսկողություն ու փորձաքննական ուսումնասիրության ենթարկո՞ւմ է շուկա դուրս բերվող շշալցված ջուրը։
Պետական ծառայության հասարակայնության հետ կապերի բաժնից հավաստիացրեցին, որ իրենք փորձաքննություն անցկացնում են, սակայն ոչ հստակ սահմանված պարբերականությամբ։ Խանութներից անորակ ջուր գնած քաղաքացիներին Սննդամթերքի անվտանգության ծառայությունը խորհուրդ է տալիս իրենց հանձնել անորակ ապրանքը՝ փորձաքննության համար։
