Չեխիայի նախագահ Միլոշ Զեմանը նոյեմբերի 25-ին 46-օրյա հոսպիտալացումից հետո դուրս Է գրվել Պրահայի Կենտրոնական զինվորական հոսպիտալից: Այդ մասին հայտնել Է Mladո fronta Dnes թերթի կայքը:
Զեմանը կմեկնի քաղաքամերձ նախագահական նստավայր, որը գտնվում Է Պրահայի մերձակայքի Լանի ավանում: Այնտեղ նոյեմբերի 26-ին նա կանցկացնի Քաղաքացիական դեմոկրատական կուսակցության առաջնորդ Պետր Ֆիալայի՝ հանրապետության վարչապետի նշանակման հանդիսավոր արարողությունը:
Հոկտեմբերի 10-ին 77-ամյա Զեմանին տեղափոխել են Պրահայի Կենտրոնական զինվորական հոսպիտալի ինտենսիվ թերապիայի բաժանմունք: Հոսպիտալացման պատճառը հրապարակավ չեն հայտնել: Նոյեմբերի 6-ին CTK լրատվական գործակալությունը, վկայակոչելով բժիշկներին, հայտնել Է,որ Չեխիայի նախագահի մոտ ախտորոշվել Է լյարդի ցիռոզ: Հոսպիտալում նա ստացել Է կորոնավիրուսի դեմ երրորդ դեղաչափը, հաղորդել Է ՏԱՍՍ-ը:
