Ճապոնիան կհանի նավթի իր պետական պաշարների մի մասը Միացյալ Նահանգների եւ այլ պետությունների հետ համակարգված գործողությունների շրջանակներում: Այդ մասին, նոյեմբերի 24-ին հայտարարել Է երկրի վարչապետ Ֆումիո Կիսիդան:
«Մենք որոշել ենք Միացյալ Նահանգների հետ միասին վաճառել նավթի մեր պետական պաշարների մի մասն այն ձեւով, որը կհամապատասխանի նավթի պաշարների մասին օրենքին»,-Կիսիդան ասել Է լրագրողներին: Այդ միջոցն ուղղված Է այն բանին, որպեսզի զսպի նավթի գների աճը վերջին ժամանակներս: Վարչապետը հավելել Է, որ արդյունաբերության նախարար Կոյիտի Հագիուդան կհայտարարի մանրամասները, մասնավորապես, դուրս հանվող պաշարների քանակի վերաբերյալ:
Նա նշել Է, որ Ճապոնիան կշարունակի շփումները նավթ արտադրող երկրների հետ, որպեսզի կանխի գների կտրուկ տատանումները: Ինչպես հաղորդվել Է, ԱՄՆ-ը որոշում Է ընդունել օգտագործել նավթի ռազմավարական պաշարներն Էներգասպառող մյուս կարեւորագույն երկրների՝ Չինաստանի, Հնդկաստանի, Ճապոնիայի, Հարավային Կորեայի եւ ՄԵծ Բրիտանիայի հետ համակարգմամբ, նոյեմբերի 23-ին հաղորդել են Սպիտակ տանը: «Նախագահն աշխատել Է ամբողջ աշխարհի երկրների հետ, որպեսզի լուծի մատակարարման խնդիրը, մինչեւ որ աշխարհը դուրս գա համավարակից»,-ասվում Է Սպիտակ տան հայտարարության մեջ:
«Նախագահ Բայդենի լիդերության եւ մեր դիվանագիտական ջանքերի շնորհիվ նավթի օգտագործման որոշումն ընդունվել Է Էներգասպառող մյուս հիմնական երկրների, այդ թվում՝ Չինաստանի, Հնդկաստանի, Ճապոնիայի Հարավային Կորեայի եւ Մեծ Բրիտանիայի հետ զուգահեռ»,-ընդգծվում Է փաստաթղթում: Ավելի վաղ Բայդենը կարգադրել Է, որպեսզի Էներգետիկայի նախարարությունը 50 մլն բարել նավթ դուրս հանի նավթի ռազմավարական պաշարներից, հաղորդել Է «Ինտերֆաքս»-ը: