Հայաստանի համար չափազանց կարևոր է, որ «3+3 ձևաչափում չքննարկվեն այն հարցերը, որոնք քննարկվում են այլ ձևաչափերում: Այս մասին ԶԼՄ-ների և հասարակական կազմակերպությունների ներկայացուցիչների համար կազմակերպված օնլայն ասուլիսի շրջանակում ասաց Հայաստանի վարչապետ Նիկոլ Փաշինյանը՝ պատասխանելով լրագրողի հարցին, թե «3+3» ձևաչափի ձևավորման հարցում ո՞ րն է Հայաստանի դիրքորոշումը:
Ըստ վարչապետի` 3+3»-ը չպետք է կրկնի գոյություն ունեցող ձևաչափերը:
Փաշինյանը շեշտեց ևս մի հանգամանք` կառավարության ծրագրում ընդգրկված՝ տարածաշրջանային քաղաքականության ակտիվացման հարցը: Նա նշեց, որ Հայաստանի համար կարևոր են հարաբերությունները Ռուսաստանի, Եվրամիության, ԱՄՆ-ի հետ, սակայն, ցանկություն կա ավելի ակտիվացնելու տարածաշրջանային քաղաքականությունը:
«Եթե մենք տեսնենք, որ մեր հարաբերությունները ակտիվացնելու և պոզիտիվ օրակարգ ձևավորելու հնարավորություն կա, միգուցե և քննարկենք այդ հնարավորությունը: Այս պահին է սա է մեր դիրքորոշումը, հետագայում կերևա»,- եզրափակեց Փաշինյանը:
