Հակաօդային պաշտպանության C-400 զենիթահրթիռային համակարգի առաջին մեծ խումբը Հնդկաստան կմատակարարվի մինչեւ 2021 թվականի վերջը՝ առաջ անցնելով գրաֆիկից: Այդ մասին, «ՌոսօբորոնԷքսպորտ»-ի գլխավոր տնօրեն Ալեքսանդր Միխեեւը հայտնել Է նոյեմբերի 15-ին Դուբայում բացված զենքի ցուցահանդեսում:
Նախօրյակին Ռազմատեխնիկական համագործակցության դաշնային ծառայության տնօրեն Դմիտրի Շուգաեւը ՌԻԱ Նովոստիին հաղորդել Է, որ մինչեւ այս տարվա վերջը Հնդկաստան կհասնի C-400-ի առաջին մեծ խումբը:
«C-400-ի առաջին մեծ համակազմը Հնդկաստան կմատակարարվի 2021 թվականի վերջին»,-ասել Է Միխեեւը:
Նրա խոսքով՝ մատակարարումներն իրականացվում են պարտավորագրի պայմաններին համապատասխան: «Բեռնառաքումն սկսվել Է՝ առաջ անցնելով գրաֆիկից»,-ասել Է «ՌոսօբորոնԷքսպորտ»-ի ղեկավարը:
Նա ընդգծել Է, որ հնդիկ մասնագետները, որոնք շահագործելու են առաջին խումբը, ավարտել են ուսուցումը եւ մեկնել հայրենիք:
«Նոր տարուց անմիջապես հետո մեր մասնագետները կժամանեն Հնդկաստան՝ տեխնիկան դրա տեղաբաշխման վայրեր հանձնելու համար»,-նշել Է նա: Ռուսաստանը Հնդկաստանի հետ 2018 թվականին կնքել Է 5,4 միլիարդ դոլար գումարի C-400-ի հինգ մեծ խումբ այդ երկիր մատակարարելու պարտավորագիր:
«Տրիումֆ» C-400-ը (ՆԱՏՕ-ի դասակարգմամբ՝ SA-21 Growler) նոր սերնդի մեծ եւ միջին հեռահարության զենիթահրթիռային համակարգ Է: Նախատեսված Է ռադիոԷլեկտրոնային եւ հակազդման մյուս տեսակների պայմաններում ռազմավարական եւ տակտիկական օդուժի ինքնաթիռների, բալիստիկ հրթիռների, գերձայնային թիրախների եւ օդային հարձակման այլ միջոցների բարձրարդյունավետ խոցման համար, հաղորդել Է ՌԻԱ Նովոստին:
