Սիրիան վերականգնել Է պարենային սեկտորի գործարանների ու ֆաբրիկաների ավելի քան 50 տոկոսը, որոնք ավերվել Էին պատերազմի ընթացքում: Այդ մասին, ՌԻԱ Նովոստիին տված հարցազրույցում հայտարարել Է Սիրիայի Արաբական Հանրապետության (ՍԱՀ) արդյունաբերության նախարար Զիյադ Սաբագը:
Զինված հակամարտությունը Սիրիայում շարունակվում Է 2011 թվականից: «Ընթանում Է վերականգնում: Մասնավոր սեկտորը վերստին կառուցել Է իր գործարանները, եւ շատերն արդեն աշխատում են, շահագործման են հանձնվել նաեւ նոր ձեռնարկություններ… կարելի Է ասել, որ մենք վերականգնել ենք ավելի քան 50 տոկոսը»,-ասել Է նախարարը: Խոսելով տեքստիլ արդյունաբերության մասին, որը սիրիական արտադրության հիմնական ուղղություններից մեկն Էր սննդամթերքի եւ դեղագործության հետ միասին, նախարարն ասել Է, որ վերականգնվել Է արտադրական հզորությունների շուրջ 40 տոկոսը:
«Վնասը, որը պատերազմի սկզբից ի վեր հասցվել Է Սիրիայի արդյունաբերության պետական ու մասնավոր սեկտորին, 2019 թվականի վերջի գնահատմամբ գերազանցել Է 23,5 միլիարդ ԱՄՆ-ի դոլարը»,- հավելել Է արդյունաբերության նախարարը:
Նրա խոսքով՝ մեծ չափով կործանվել են նավթային ճյուղի արդյունաբերական օբյեկտները: «Բայց, դրանից զատ, նպատակամիտված գործողություններ են եղել արդյունաբերական օբյեկտների ավերման ուղղությամբ, որոնք նախատեսված են եղել սննդամթերքի ու դեղամիջոցների արտադրության համար եւ ունեցել են ռազմավարական նշանակություն՝ ուղղակիորեն ազդելով քաղաքացիների կյանքի վրա»,-հավելել Է նա: Սաբագը նշել Է, որ լուրջ վնաս Է հասցվել տեքստիլ արդյունաբերությանը եւ առաջին հերթին՝ Հալեպի նահանգում, որտեղ գործնականում ամբողջությամբ ավելվել եւ ահաբեկիչների կողմից կողոպտվել են մասնավոր ու պետական ֆաբրիկաները, հաղորդել Է ՌԻԱ Նովոստին: