Մարդու իրավունքների եվրոպական դատարանի (ՄԻԵվԴ) որոշումը, որն ընդունվել Է Վրաստանի նախկին նախագահ Միխեիլ Սահակաշվիլիի հոսպիտալացման հարցի վերաբերյալ, լիովին համընկնում Է Վրաստանի իշխանությունների դիրքորոշման հետ:
Այդ մասին, հայտարարել Է Վրաստանի արդարադատության նախարար Ռատի Բրեգաձեն՝ հանդես գալով հատուկ ճեպազրույցում: Սահակաշվիլիի փաստաբանները նախօրյակին հայց են ներկայացրել Մարդու իրավունքների եվրոպական դատարան Սահակաշվիլիին բանտի կլինիկա տեղափոխելու որոշման առնչությամբ: Նախկին նախագահի պաշտպանությունը փորձել Է դատարանի միջոցով Վրաստանի իշխանություններին պարտադրել Սահակաշվիլիին բանտային հիվանդանոցից տեղափոխել բազմապրոֆիլ քաղաքացիական հիվանդանոց, սակայն ՄԻԵվՏ-ն այդ պահանջը չի բավարարել:
Սակայն ՄԻԵվԴ-ն Վրաստանի իշխանություններին պարտադրել Է՝ ապահովել երկրի նախկին նախագահ Միխեիլ Սահակաշվիլիի համարժեք բուժումն ու անվտանգությունը, ինչպես նաեւ դատարանին տեղեկացնել նրա վիճակի մասին: Իսկ դիմողին՝ Միխեիլ Սահակաշվիլիին, հորդորել են դադարեցնել հացադուլը: «Ստրասբուրգի դատարանի որոշումը շատ ընդունելի Է եւ մարդասիրական, որն ուղղված Է դատապարտյալի շահերի պաշտպանությանը: Հաճելի Է, որ մեր ձգտումը համընկնում Է: Գերատեսչությունը քանիցս պարզաբանել Է, որ մենք շահագրգռված ենք բանտարկյալի առողջության պաշտպանությամբ: Այդ որոշոմւը եւս մեկ անգամ հաստատոմւ Է Վրաստանի պատժական համակարգի բարձր չափորոշիչները»,-հայտարարել Է Բրեգաձեն, հաղորդել Է Sputnik-ը:
