Դեպի Կապան երթևեկության փոփոխության արդյունքում որևէ գյուղ չի կտրվում։ Կառավարության նիստի ժամանակ այս մասին ասաց ՀՀ վարչապետ Նիկոլ Փաշինյանը։
Նշենք, որ ադրբեջանցիները Գորիս-Կապան ճանապարհին նոյեմբերի 11-ի կեսգիշերից սկսած պատրաստվում են մաքսային, անձնագրային հսկողություն իրականացնել նաև ՀՀ քաղաքացիների և բեռների նկատմամբ։ Նրանց այս որոշմանն ի պատասխան՝ ՀՀ վարչապետն այդ ճանապարհով երթևեկող քաղաքացիներին հորդորեց օգտվել Կապան-Աղվանի-Տաթև-Հալիձոր-Շինուհայր Մ2 այլընտրանքային ճանապարհից։
Վարչապետը ևս մեկ անգամ հավաստիացրեց, թե երբևէ չեն քննարկել ու չեն քննարկելու որևէ միջանցքային տրամաբանություն, ինչն արձանագրված է փոխվարաչապետերի եռակողմ ձևաչափում։
