Շուշիի անկման տարելիցի օրը Ադրբեջանը դիմեց հերթական սադրիչ գործողությանը՝ կրակ բացելով Շուշիի խաչմերուկում ջրատարի նորոգման աշխատանք իրականացնող Արցախի Ջրմուղի չորս աշխատակիցների վրա, ինչ հետևանքով կա մեկ զոհ և երեք վիրավոր: Այս ամենը տեղի է ունենում Պուտին-Փաշինյան-Ալիեւ հեռավար հանդիպում կազմակերպելու, սահմանագծում, սահմանազատում իրականացնելու մասին խոսկացությունների ֆոնին, ինչպես նաև ռուս խաղաղապահների ներկայությամբ:
Ռուսաստանի ՊՆ-ն միայն մեկ օր անց հաստատեց, որ ադրբեջանցիները կրակել են բացել, ԱՄՆ-ն իր հերթին դատապարտեց Շուշիի մոտ տեղի ունեցած միջադեպը՝ Հայաստանին և Ադրբեջանին կոչ անելով ակտիվացնել իրենց ներգրավվածությունը, այդ թվում՝ Մինսկի խմբի համանախագահների միջոցով՝ լուծելու ԼՂ հակամարտության հետ կապված կամ դրանից բխող բոլոր չլուծված խնդիրները: Այս և տարածաշրջանային կարևորության մի շարք հարցեր «Առաջին Լրատվական»-ը քննարկել է քաղաքագետ Տիգրան Գրիգորյանի հետ:
«Ադրբեջանի այս քայլը երկարաժամկետ ռազմավարության մաս է, որ Արցախում ստեղծվի այնպիսի մթնոլորտ, որ հայ բնակչությունը լքի այդ տարածքը: Գիտենք, որ նմանատիպ մի միջադեպ տեղի ունեցավ հոկտեմբերին, երբ դիպուկահարի կրակոցից սպանվեց հայ տրակտորիստ, բայց այդ անգամ Ալիևը մի քայլ առաջ է գնացել. մեծ հաշվով այն հանգամանքը, որ սպանությունը տեղի է ունեցել Ղարաբաղը Հայաստանին կապող միակ ճանապարհի վրա, ևս հետաքրքիր ազդակ է, սրանով ադրբեջանցիները փորձում են հասկանալ, որոնք են ռուսական խաղաղապահ առաքելության կարմիր գծերը»:
Գրիգորյանի խոսքով՝ երկրորդ նպատակն ուղղված է ռուս խաղաղապահների դեմ, նրանց առաքելությունը ապալեգիտիմացնելուն, առաքելության իմիջը իջեցնելուն:
Առավել մանրամասն՝ տեսանյութում:
