Friday, 29 03 2024
Քարաթափում Լանջազատ գյուղի մոտակայքում
Սյունիքի միջանցքի հարցը չլուծվեց՝ անցան Տավուշ. ռուս-ադրբեջանական նոր խաղեր
Թթուջուր-Նավուր ավտոճանապարհը փակ է
Եվլախը իր ճակատին դաջած անձը գուցե հրահանգ ունի ազգամիջյան բախումներ հրահրելու
Տեղումներ չեն սպասվում
Կա ահաբեկչության վտանգ․ ՌԴ հատուկ ծառայությունները հիբրիդային պատերազմ են մղում Հայաստանի դեմ
Ոսկեպարցիներն անհամբեր սպասում են. «Հրապարակ»
Գյումրիում Նիկոլ Փաշինյանին շատ «ջերմ» ընդունելություն են ցույց տվել. «Ժողովուրդ»
Իշխան Սաղաթելյանի հոր նկատմամբ դատախազությունը հարուցել է քրեական հետապնդում. «Հրապարակ»
Դիանա Գալոյանը նոր պաշտոն կստանա՞. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Նոր դիվանագիտական սկանդալ է հասունանում արտգործնախարարությունում. «Ժողովուրդ»
Նիկոլ Փաշինյանը ոչինչ չի խնայում իր անձնական պաշտպանությունն անխոցելի դարձնելու համար. «Հրապարակ»
Բաղմանյանի մեղավորությունը չի հաստատվում, նրա դեմ ցուցմունք տվողը մեկ միլիոն դոլար պարտք է բանկին. «Ժողովուրդ»
Ովքե՞ր են ընդգրկված լինելու Հայկ Մարությանի նոր կուսակցությունում. «Ժողովուրդ»
Էրդողանի կասկածները եւ խաղաղությունն ու պատերազմը Կովկասում
Սուրեն Պապիկյանը ծանոթացել է նաև ՀՀ ռազմարդյունաբերության նորագույն նմուշներին
Հանրակրթության նոր չափորոշիչի ներդրմանը զուգահեռ դասարաններում կկրճատվի աշակերտների թիվը. Անդրեասյան
ՔՊ նիստում քննարկվել են եվրոպական կուսակցական միությունների գաղափարախոսությունները
«Դժվարին որոշում եմ կայացրել` չհավակնել Բարձրագույն դատական խորհրդի դատավոր անդամի թափուր տեղին». Վազգեն Ռշտունի
«Ռուսաստանը հաջողության է հասնում այնտեղ, որտեղ դրա կարիքն ունի»․ Պուտին
Հրազդանում մթնոլորտային օդում փոշու պարունակությունը գերազանցել է սահմանային թույլատրելի կոնցենտրացիան
Վլադիմիր Վարդանյանը կմասնակցի Մարդու իրավունքերի եվրոպական դատարանի դատավորների ընտրության հանձնաժողովի նիստին
Ծեծի է ենթարկել իր անչափահաս դստերը և փորձել սեռական հարաբերություն ունենալ նրա հետ
Այն, ինչ կներվի Բաքվին, չի ներվի Երևանին. Կրեմլը բաց է խաղում
ԵՄ ներկայությունը Բաքվին հանգիստ չի տալիս
Ադրբեջանը «կլրջացնի՞» ՀԱՊԿ-ի հետ ընկերությունը
Ազատագրվել ռուսական կախվածությունից. եվրաինտեգրման առաջնահերթությունները
Դիմակներն այլևս հանված են. Մոսկվան հանձնում է իր ամենաարժեքավոր ագենտին
Տղամարդը դանակահարել է նախկին կնոջն ու նրա քրոջը

ՀՀ կառավարությանը փոխանցվեց Գեղարքունիքի եւ Լոռու մարզերում «Կայուն դպրոցական սնունդ» ծրագրի հետագա կառավարումը

Վանաձորի Ղեւոնդ Ալիշանի անվան թիվ 27 դպրոցում նոյեմբերի 10-ին ՄԱԿ-ի Պարենի համաշխարհային ծրագրի (ՊՀԾ) հայաստանյան պատասխանատուները ՀՀ կառավարությանը հանդիսավորությամբ փոխանցեցին Գեղարքունիքի եւ Լոռու մարզերում իրականացվող «Կայուն դպրոցական սնունդ» ծրագրի հետագա կառավարումն ու իրականացումը:

Ծրագրի փոխանցման հանդիսավոր արարողությանը մասնակցեցին ՀՀ կրթության, գիտության, մշակույթի եւ սպորտի նախարար Վահրամ Դումանյանը, ԿԳՄՍ նախարարի տեղակալ Ժաննա Անդրեասյանը, ՄԱԿ-ի Պարենի համաշխարհային ծրագրի հայաստանյան գրասենյակի տնօրեն Ելենա Միլոշևիչը, ՀՀ-ում ՌԴ արտակարգ եւ լիազոր դեսպան Սերգեյ Կոպիրկինը, Գեղարքունիքի եւ Լոռու փոխմարզպետներ, մարզերի՝ ծրագրի շահառու դպրոցների ներկայացուցիչներ, հյուրեր: Ողջույնի խոսք ասացին եւ «Կայուն դպրոցական սնունդ» ծրագրի կարեւորության, մարզպետարանների ակտիվ աջակցության ու համագործակցության շարուկականության մասին հավաստեցին Լոռու եւ Գեղարքունիքի փոխմարզպետներ Գ. Ասրյանը եւ Գ. Նավոյանը՝ նկատելով, որ տրանսֆորմատիվ բաղադրիչի շնորհիվ նորագույն տեխնոլոգիաներով հագեցած ինտենսիվ այգիների, ջերմոցների հիմնադրմամբ եւ արեւային կայանների տեղադրմամբ իրենց մարզի դպրոցները եւս վերածվել ու վերածվում են համայնքների զարգացման եւ երկարաժամկետ կրթական հարթակների։ Ծրագիրն էլ դիտեցին որպես սննդարար, մաքուր եւ կանաչ սնուցմանն ուղղված ապագայի համալիր մոտեցում։

Ողջունելով մասնակիցներին՝ նախարար Վահրամ Դումանյանը նշեց՝ արդեն շուրջ 11 տարի է, որ ՀՀ կառավարությունը, ՄԱԿ-ի Պարենի համաշխարհային ծրագրի օգնությամբ, ՌԴ կառավարության ֆինանսական օժանդակությամբ եւ Ճյուղային սննդի ինստիտուտի տեխնիկական աջակցությամբ իրականացնում է «Կայուն դպրոցական սնունդ» ծրագիրը։ Վերջին 10 տարիներին օրական ավելի քան 100.000 երեխաներ ապահովվել են մեկանգամյա առողջ, վիտամիններով հարուստ ու օգտակար սննդով, ներդրումներ են իրականացվել համայնքների տնտեսական միջավայրի եւ առողջ ապրելակերպի գաղափարների զարգացման գործընթացներում։

«2016 թվականից սկսած` ՀՀ կառավարությունը նաեւ ֆինանսական պարտավորություն ստանձնեց ծրագրի իրականացման համար, երբ մեկնարկեց մարզերի փուլային հանձնումը (ՊՀԾ «Դպրոցական սննդի զարգացման ծրագրից») ՀՀ կառավարության «Դպրոցական սննդի ազգային ծրագրին»: Մինչ օրս ծրագրի հետագա ղեկավարումը ՀՀ կառավարությանն է հանձնվել վեց մարզում՝ Վայոց ձոր, Սյունիք, Արարատ, Տավուշ, Շիրակ եւ Արագածոտն: Շուրջ 50 հազար աշակերտներ պետական բյուջեի շրջանակում օգտվում են ծրագրից»,- տեղեկացրեց նախարարը` հավելելով, որ այժմ ծրագրի ազգայնացման եւ պետությանը դրա աստիճանաբար փոխանցման գործընթացում ներգրավվում են նաեւ Լոռու եւ Գեղարքունիքի մարզերի դպրոցները: Նա նաեւ տեղեկացրեց, որ, ըստ «Դպրոցական սննդի կայուն զարգացման ազգային ռազմավարության» գործողությունների ծրագրի, 2022 թ. արդեն «Ազգային ծրագրի» մաս կկազմեն նաեւ Արմավիրի եւ Կոտայքի մարզի դպրոցները։ Ըստ Վահրամ Դումանյանի, համավարակով պայմանավորված՝ նախորդ տարի հետաձգվել է ծրագրի ներդրումը Գեղարքունիքի մարզի դպրոցներում:

«Հարկ է նշել, որ այս ժամանակը մենք օգտագործեցինք արդյունավետ՝ համագործակցաբար վերանորոգելով դպրոցների ճաշարանները, որպեսզի երեխաները տաք սնունդ ստանալու հնարավորություն ունենան։ Բացի դրանից` համավարակի պայմաններում դպրոցական սնունդ ծրագիրը նույնպես ենթարկվեց փոփոխությունների. Շարունակականությունն ապահովվեց սովորողների ընտանիքներին չոր սննդի փաթեթների տրամադրմամբ ինչպես ՀՀ կառավարության, այնպես էլ ՄԱԿ ՊՀԾ կողմից ֆինանսավորվող մարզերում: Նախորդ տարի ՄԱԿ-ի Պարենի համաշխարհային ծրագրի հետ ստորագրված նոր համաձայնագիրը նոր փուլ է բացում մեր հարաբերություններում, քանի որ «Կայուն դպրոցական սնունդ» ծրագրի համար նախատեսվում է նաեւ լրացուցիչ ռազմավարական` «Տրանսֆորմատիվ դպրոցական սնունդ» բաղադրիչի ներդրումը, որով դպրոցները դիտարկվում են որպես յուրատեսակ ուսումնական կենտրոններ: Դա կնպաստի Հայաստանում մարդկային կապիտալի զարգացմանը, կստեղծի աճի նոր պայմաններ, կխթանի երկրի կանաչ եւ թվային տարածաշրջանային զարգացումը, ինպես նաեւ կնպաստի բնակչության առողջության բարելավմանը»,- շեշտեց նախարարը։

Տեղեկացվեց նաեւ, որ ծրագրի նպատակը միայն երեխաներին տաք սննդով ապահովելը չէ, այն ունի շատ կարեւոր այլ բաղադրիչ. թույլ է տալիս դպրոցի շուրջ միավորել համայնքի ջանքերը՝ առողջ սնունդը եւ ապրելակերպը դպրոցական բաղադրիչում ներառելու եւ դրա միջոցով հանրային վարքականոն ձեւավորելու տեսանկյունից: Նախարարը նշեց համատեղ բազմաթիվ նախաձեռնությունները, ինչպես օրինակ` դպրոցական այգիների մրցույթը, որը խրախուսում է մեր երեխաներին տարածքի ամեն հատված օգտագործել արդյունավետ, սովորել կարեւոր գիտելիքներ եւ միաժամանակ հանրային բարիք ստեղծել: Ընդգծեց, որ ՀՀ եւ ՌԴ կառավարությունների, ՄԱԿ-ի Պարենի համաշխարհային ծրագրի, տեղական իշխանությունների, դպրոցների տնօրենների եւ ծնողների համատեղ ջանքերի արդյունքում վերանորոգվել են դպրոցական ճաշարանները եւ վերազինվել ժամանակակից սարքավորումներով, վերապատրաստվել են խոհարարները: Չնայած արձանագրված հաջողություններին, ըստ նախարարի, դպրոցների մեծ մասի համար դեռեւս անհրաժեշտ է իրականացնել խոհանոցների եւ ճաշարանների հիմնանորոգում, համապատասխան գույքի ձեռք բերում, իսկ որոշ դպրոցներում՝ ինժեներական կոմունիկացիաների ստեղծում:

Նախարարի բերած մի շարք տվյալներ ինքնին խոսում են ծրագրի ընդգրկուն լինելու մասին. վերջին տասը տարիների ընթացքում օրական ավելի քան 100 հազար երեխաներ ապահովվել են սննդով՝ կառավարության եւ գործընկերների ջանքերով, ներդրումներ են իրականացվել համայնքների տնտեսական միջավայրի եւ առողջ ապրելակերպի գաղափարների զարգացման գործընթացներում, ստեղծվել են 16 դպրոցահեն ջերմոցներ, 15 դպրոցական այգիներ, 86 դպրոցներ հագեցվել են արեւային էներգիայի մարտկոցներով, 816 դպրոցների ճաշարաններ հագեցվել են սարքավորումներով, 512 դպրոցների ճաշարաններում վերանորոգման անհրաժեշտ աշխատանքներ են արվել։ Սրանք էական արդյունքներ են, որոնց վրա հնարավոր է դարձել կառուցել հետագա քայլերը: Վերջում նախարարը վերահաստատեց՝ ՀՀ կառավարությունը պատրաստակամ է հանձնառությունը շարունակելու եւ զարգացնելու Ազգային դպրոցական սնունդ ծրագիրը՝ ի շահ երեխաների զարգացման եւ որակյալ կրթության ապահովման։

Խոսք ասաց ՄԱԿ-ի Պարենի համաշխարհային ծրագրի հայաստանյան գրասենյակի տնօրեն Ելենա Միլոշեւիչը: Ըստ նրա ՝ 2020 թ. ծրագիրը նշել է իր տասնամյակը՝ խորհրդանշելով Հայաստանի Հանրապետության, Ռուսաստանի Դաշնության, ՄԱԿ-ի Պարենի համաշխարհային ծրագրի եւ գործընկերների միջեւ հաջող ռազմավարական համագործակցությունը։ Ծրագիրն ուղղված է ՀՀ մարզերում դպրոցականների համար բալանսավորված սննդի ապահովմանը, ինչպես նաեւ հասանելի եւ կայուն դպրոցական սննդի ազգային ծրագրի ստեղծմանը։

Ծրագրի կարեւորության, համագործակցության շարունակականության ապահովման ՌԴ կառավարության հանձնառության մասին խոսեց ՀՀ-ում ՌԴ արտակարգ եւ լիազոր դեսպան Սերգեյ Կոպիրկինը, իսկ ՌԴ Ճյուղային սննդի ինստիտուտի նախագահ Վլադիմիր Չերնիգովն իր ողջույնը մասնակիցներին հղեց տեսաուղերձով:

Միջոցառման ընթացքում ներկաները մասնակցեցին շեֆ-խոհարար Յուրի Սարգսյանի վարպետության դասին, վայելեցին Լոռու մարզի Վանաձորի թիվ 27 եւ Գեղարքունիքի մարզի Գանձակ գյուղի թիվ 2 դպրոցի աշակերտների կատարմամբ ներկայացումները, համտեսեցին «Կայուն դպրոցական սնունդ» ծրագրի ճաշացանկում եղած ճաշատեսակից, ծանոթացան Գանձակ գյուղի թիվ 2 դպրոցի՝ կանանց հզորացմանն ուղղված հաջողության փորձին ու պատմությանը: Ներկաները շրջեցին նաեւ ծրագրի շրջանակում հիմնված ջերմոցներում:

Գագիկ ԱՆՏՈՆՅԱՆ

Լոռի

Բաժիններ
Ուղիղ
Լրահոս
Որոնում