Գերմանիայում իրավապաշտպանները հորդորել են հումանիտար միջանցք բացել լեհ-բելառուսական սահմանների անօրինական միգրանտների համար: Այդ մասին, Twitter սոցցանցում հաղորդել Է SeebrՖcke Deutschland ոչ առեւտրային կազմակերպության (ՈԱԿ) ներկայացուցիչ Ռուբեն Նոյգեբաուերը:
Ավելի վաղ dpa գործակալությունը հաղորդել Է, որ Լեհաստանի ոստիկանությունը նոյեմբերի 9-ին կանգնեցրել Է SeebrՖcke Deutschland եւ LeaveNoOneBehind կազմակերպություններից գերմանացի ակտիվիստների ավտոբուսը, որն ուղեւորվում Էր լեհ-բելառուսական սահման: Ավելի վաղ Լեհաստանի ոստիկանությունը ստեղծել Էր փակ գոտի, որն սկսվում Է սահմանից երեք կիլոմետր հեռավորությամբ. այնտեղ չեն կարող հայտնվել ո՛չ ԶԼՄ-ների, ո՛չ հումանիտար կազմակերպությունների ներկայացուցիչները:
«Բացի հումանիտար բեռներից, մենք բերել Էինք ավտոբուս, այնտեղ 50 ազատ տեղ կար, մենք կանգնել Էինք սահմանի մոտ, որպեսզի մարդկանց տանենք անվտանգ տեղ, բայց ոստիկանությունը եւ զինվորականները մեզ ստիպեցին ետ դառնալ»,-գրել Է ՈԱԿ-ի ներկայացուցիչը, հավելելով, որ տարածաշրջանում օդի ջերմաստիճանը գիշերն իջել Է զրոյից ցածր, եւ «եթե դուք ցանկանում եք կանխել մահը, դուք պետք Է հիմա գործեք, մեր հումանիտար միջանցքը դարձրեք հնարավոր»:
Նոյեմբերի 8-ին Բելառուսի պետական սահմանապահ կոմիտեն հաղորդել Է, որ Մերձավոր Արեւելքի եւ Աֆրիկայի երկրներից միգրանտների մեծաթիվ խումբը ուղեւորվել Է Լեհաստանի հետ Բելառուսի սահման: Երեկոյան գերատեսչությունում հայտարարել են, որ փախստականների հետ կապված իրադրությունը Լեհաստաի հետ հանրապետության սահմանին մնում Է չափազանց լարված. սահմանագծին լեհական արգելափակոցների առջեւ մնացել են 2 հազար փախստականներ, այդ թվում՝ զգալի թվաքանակով կանայք ու երեխաներ:
Լեհ ուժայինները նրանց թույլ չեն տալիս անցնել, միգրանտները փորձեր են ձեռնարկել հաղթահարել արգելափակոցները: Վերջին ժամանակներս Լեհաստանը, Լիտվան եւ Լատվիան հաղորդել են Բելառուսի սահմանից անօրինական միգրանտների թվի աճի մասին, Մինսկին մեղադրել են միգրացիոն ճգնաժամ ստեղծելու մեջ: Մինսկը բոլոր մեղադրանքներ հերքում Է:
Բելառուսի նախագահ Ալեքսանդր Լուկաշենկոն հայտարարել Է, որ Մինսկն այլեւս չի զսպելու ԵՄ-ի երկրներ անօրինական միգրանտների հոսքը. Արեւմուտքի պատժամիջոցների պատճառով դրա համար չկա «ո՛չ փող, ո՛չ ուժեր»:
Բելառուսի սահմանապահները քանիցս հայտարարել են, որ Լիտվան, Լատվիան եւ Լեհաստանը բռնի կերպով միգրանտներին վտարում են սահմանակից տարածք: Ստեղծված իրադրության կապակցությամբ Լեհաստանի նախագահն արտակարգ դրության ռեժիմ Է մտցրել սահմանին, դրա պահպանման համար ներգրավել են բանակին եւ ոստիկանությանը, հաղորդել Է «Ինտերֆաքս»-ը:
