«Հանուն Հադրութի» ՀԿ նախագահ Լևոն Հայրյանը դիմել է Արցախից տեղահանված անձանց՝ կոչ անելով ակտիվ մասնակցել բողոքի ակցիաներին։ Արցախցիների հերթական բողոքի ակցիան կանցկացվի նոյեմբերի 9-ին՝ ժամը 11։00-ին, կառավարության շենքի մոտ։
«Սիրելի՛ հայրենակիցներ կամ էլ իմ առանց հայրենիք մնացած բարեկամներ, վաղը՝ նոյեմբերի 9-ին, հավաքվում ենք՝ հայտնելու մեր բողոքը և մեր պահանջները: Վերջին մի քանի օրերին մենք մեր խմբով մի քանի հանդիպումներ ենք անցկացրել կառավարության և մի շարք կազմակերպությունների հետ, և մեր ամենացավալի կանխատեսումները իրականացան, այն է՝ ոչ մեկը չի ուզում լրջորեն զբաղվել մեր հարցերով։ Կհարցնեք պատճառը, դրանք շատ են, բայց ամենակարևորներից մեկը մեր պասիվությունն է, գոնե այդ մեկը մեզնից է կախված։ Բայց ասեմ, որ նկատվում են նաև դրական միտումներ, որոնց մասին կպատմենք հավաքի ժամանակ և որոնք կարող ենք ամրապնդել մեր միահամուռ գործողություներով: Ասենք նաև, որ մենք չեն մասնակցում ներքաղաքական պայքարի, այլ միայն առաջնորդվում ենք փախստականների շահերի պաշտպանության գաղափարներով:
Սիրելի՛ հայրենակիցներ, այն է՝ Մռավից մինչև Արաքս տուն-տեղ և հայրենիք կորցրած մեր սիրելի բախտակիցնե՛ր, ձեզանից յուրաքանչյուրը իր պարզ ներկայությամբ մեծ գործ է անում մեր ընդհանուր գործի համար: Անցած կոչով ասել եմ՝ ամեն ինչ արվում է մեզ համար, հիմա ասում եմ՝ ամեն ինչ արվում է ձեզ համար, եղեք ակտիվ և պահանջատեր»։
6STOPPED
Լուսանկարը Հետքի