Հայաստանը ոչ միայն տիապետում է իրավիճակին, այլ նաև իրավիճակում խաղացող է

Հանրային հեռուստաընկերությանը վարչապետ Նիկոլ Փաշինյանի տված հարցազրույցը ակնառու փորձ էր պատասխանել վերջին շաբաթներին հասարակական-քաղաքական «դիսկուրսում» տեղ գտած հարցերին, թեև պետք է արձանագրել և այն, որ պատասխանները իրենց հերթին առաջ են բերել որոշակի նոր հարցադրումներ, ինչպես նաև արձանագրում մեկ այլ բանի՝ որ շատ հարցեր այսօր չունեն որոշակի պատասխան և գտնվում են դիվանագիտական-քաղաքական դիրքային պայքարի փուլում: Մասնավորապես, դա վերաբերում է օրինակ սահմանագծման և սահմանազատման գործընթացին, որին Երևանն արտահայտվում է կողմ: Բայց Նիկոլ Փաշինյանը նշում է նաև, որ չի կարող տեղի ունենալ գործընթաց մի պարագայում, երբ այդ սահմանին կրակոցներ և միջադեպեր են ըստ էության ամենօրյա ռեժիմով: Թեմայի շուրջ «Առաջին լրատվական»-ը զրուցել է Ռազմաքաղաքական հարցերով փորձագետ Արմինե Մարգարյանի հետ: