Արցախյան վերջին պատերազմից հետո Թուրքիայի և Ադրբեջանի պահվածքը մեզ հետ հարաբերություններում այպիսին է, որ կարծես բոլոր խնդիրները վերացել են և մնացել է, որ իրենք իրենց առաջադրած նոր ձևաչափը պարտադրեն Հայաստանին, և Հայաստանը պետք է գլխիկոր համաձայնություն տա այդ առաջարկություններին: Այս մասին «Առաջին լրատվական»-ի հետ զրույցում նշեց ՀՀ ԳԱԱ պատմության ինստիտուտի տնօրեն, ակադեմիկոս Աշոտ Մելքոնյանը:
«3+3 ձևաչափը, համեյանդեպս, ինձ համար բացարձակապես ընդունելի չէ: Ես ժողովրդական պատկերացումով տամ դրա բացատրությունը: Դա նման է դրան, որ օտարները եկել, մտել են մեր տուն և մեր տան սենյակները բաժանում են միմյանց միջև և մեզ էլ առաջարկում են, ասելով՝ եթե դուք ցանկություն ունեք միանալու այս տան բաժանման գործընթացին, պատշգամբում ձեզ համար տեղ կպահենք: Ես կարծում եմ՝ հսկատ հարաբերություններ Թուրքիայի և Ադրբեջանի հետ իրենց առաջարկած ձևաչափով, հարթակով, այսօր հնարավոր չէ, որովհետև մեզ համար մութ ու անհասկանալի կողմեր շատ կան»,-ասաց նա:
