Երեկվա ննարկման թեմաներից մեկի վերնագիրը՝ վեթինգի հեռանկարները Հայաստանում, արդեն իսկ արձանագրում է, որ համարել, որ վեթինքն արդեն սկսված է, չի համապատասխանում իրականությանը: Այս մասին «Առաջին լրատվական»-ի հետ զրույցում նշեց Հելսինկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը՝ անդրադառնալով արդարադատության նախարար Կարեն Ադրեասյանի հայտարարությանը, թե վեթինգն արդեն սկսվել է ԲԴԽ-ի աշխատանքի շնորհիվ: «Վեթինգի իրականացման մեխանիզմների, գործիքների քննարկումը ևս մեկ ապացույց է, որ վեթինգը դեռ չի ձևավորված որպես գործիք, որը պետք է իրականացվի: Վեթինգն արտակարգ միջոցառում է արտակարգ իրավիճակում գտնվող դատական իշխանությունը բերելու այն ելակետային իրավիճակի, որից հետո միայն բարեվարքության մեխանիզմները կարող են արդյունք ունենալ: Մինչև 2018-ը քաղաքական հետապնդման գործերով դատական վճիռներ արձակած դատավորների առկայությունը ցուցիչ է, որ վեթինգը չկա: Սա շատ հստակ է»,-ասաց նա: