Հոկտեմբերի 29-ից 31-ը Կարեն Դեմիրճյանի անվան մարզահամերգային համալիրում տեղի ունեցավ տարվա ամենամեծ տեխնո ցուցահանդեսը՝ Digitec Expo 2021-ը: Եռօրյա Էքսպո ցուցահանդեսին ներկա էին ինչպես հայկական, այնպես էլ՝ միջազգային մեծ հեղինակություն վայելող ՏՏ ոլորտի լավագույն ընկերություններն ու ստարտափերը:
Ցուցահանդեսին զուգահեռ առաջին անգամ անցկացվեց Digitec Summit համաժողով, որը համախմբեց աշխարհի առաջատար ՏՏ մասնագետներին, քննարկվեց կրթության, ՏՏ նորարական ծրագրերի ու աշխատանքի նոր հնարավորությունների մասին:
Հայաստանի ՏՏ ոլորտի առաջատար ընկերություն SoftConstruct-ը նույնպես մասնակցեց DigiTec 2021-ին, որպես գլխավոր աջակից։ Ընկերությունը տեխնոլոգիական ցուցահանդեսին ներկայացավ իր Hoory, Panda MR, Ucraft և Imagine Hub by SOFT նախագծերով:
DigiTec Summit-ին SoftConstruct ընկերության տեխնիկական գծով պատասխանատու Վահագն Մկրտչյանը ելույթ ունեցավ «Հետքովիդյան շրջանում բիզնեսով զբաղվելու» խորագրով, որտեղ առաջարկվում էր մի շարք լուծումներ, որոնք կօգնեն ինչպես անհատ, այնպես էլ բիզնես գործունեություն ծավալող ընկերություններին համավարակի ընթացքում շարունակել գործունությունը և զերծ պահել համավարակի ընթացքում առաջացած խոչընդոտներից:
DigiTec 2021-ին SoftConstruct-ը տարբերվում էր իր ինտերակտիվ և ժամանցային տաղավարով՝ «Jump station» խորագրով։ Ընկերության աշխատակիցները 3 օր շարունակ հյուրընկալեցին հարյուրավոր մասնակիցների, ովքեր հետաքրքրված էին SoftConstruct-ին որարարական և մրցունակ առաջարկներով, ինչպես նաև Ընկերությունում աշխատանքի և դասընթացների հնարավորություններով:
SoftConstruct ընկերությունն ունի 15 մասնաճյուղ ամբողջ աշխարհում և 5000-ից ավելիաշխատակից, ովքեր, համախմբվելով մեկ ընդհանուր գաղափարի շուրջ, անհնարինը դարձնում են իրականություն:
