Պարեկային ծառայության Երևանի գնդի ոստիկանները hոկտեմբերի 25-ց նոյեմբերի 1-ը իրականացված ծառայության արդյունքում հայտնաբերել են ճանապարհային երթևեկության կանոնների 1375 խախտում՝ պահպանվող հատուկ տարածք տեղափոխելով 214 տրանսպորտային միջոց։
Ինչպես տեղեկացրին ՀՀ ոստիկանությունից, hայտնաբերվել է ոչ սթափ վիճակում մեքենա վարող 82, առանց վարորդական վկայականի 225 անձ։ «99 տրանսպորտային միջոց շահագործվել է հաշվառման համարանիշերը սահմանված տեղում չփակցված, 2-ը՝ առանց համարանիշերի, 5-ը՝ ժամկետանց ժամանակավոր համարանիշերով, 3-ը՝ փոխարինված համարանիշերով, 11-ը ստանդարտին չհամապատասխանող հաշվառման համարանիշերով, 271-ը՝ առանց ԱՊՊԱ պայմանագրի։
Բացի այդ, պարեկաները, տարբեր հանցագործություններ կատարելու կասկածանքով, ոստիկանության ԵՔՎ տարածքային ստորաբաժանումներ բերման են ենթարկել 39 անձի և հայտնաբերել են 5 հետախուզվողի»,- ասվում է հաղորդագրության մեջ։
Ըստ աղբյուրի՝ հասարակական կարգի պահպանմանն ու ճանապարհային երթևեկության անվտանգության ապահովմանն ուղղված միջոցառումները կրում են ամենօրյա բնույթ։
