ՀՀ նախագահ Արմեն Սարգսյանի Սաուդիան Արաբիա այցը, թեև եղել է ոչ պաշտոնական, բայց արդեն իսկ որակվել է որպես պատմական: Անշուշտ այցը կարևոր է մի շարք առումներով. Սաուդիան Արաբիան մերաձավոր արևելքի կարևորագույն և առանցքային պետություններից է, որը սակայն չի ցանկացել դիվանագիտական հարաբերություններ հաստատել մեր երկրի հետ՝ հիմնականում արցախյան հիմնահարցի պատճառով և տասնյակ տարիներ այս հարցում աջակցել է Ադրբեջանին:
Միևնույն ժամանակ չնայած դիվանագիտական հարաբերությունների բացակայությանը, Հայաստանի և Սաուդյան Արաբիայի միջև ձևավորվել էր շնորհավորական ուղերձների փոխանակման պրակտիկա: Այս և տարածաշրջանային կարևորության մի շարք հարցեր «Առաջին լրատվական»-ը քննարկել է արաբագետ Արաքս Փաշայանի հետ: Մեր զրուցակիցը, կարևորելով այցը, միևնույն ժամանակ ընդգծեց, որ Հայաստանն արտաքին քաղաքականության ոլորտում պետք է գրագետ աշխատի բոլոր ուղղություններով: «Ադրբեջանը և Թուրքիան տասնամյակներ ի վեր արաբական, իսլամական աշխարհում Հայաստանի դեմ քարոզչություն են իրականացրել: Եվ վերջին 30 տարիների ընթացքում այս երկրներին հաջողվել է ձևավորել հակահայկական տրամադրություններ»,-ասաց Փաշայանը, մեջբերելով Ադրբեջանի նախագահ Իլհամ Ալիևի 2017թ. ելույթից մի հատված, երբ վերջինս, շահարկելով կրոնական գործոնը, կոչ արեց մուսուլմանական աշխարհին զերծ մնալ ՀՀ-ի հետ հարաբերություններ հաստատելուց:
Առավել մանրամասն՝ տեսանյութում: