Պատերազմում պարտությունից հետո նկատվում է որոշակի լարվածություն, ճգնաժամ Հայաստան-Սփյուռք հարաբերություններում, ինչպես նաև հենց Սփյուռքի ներսում, Սփյուռքի տարբեր կառույցների ներսում: Կա տեսակետ, որ 2020թ. պարտությունը միայն Հայաստանինը չէր, այլ մեծ հաշվով նաև Սփյուռքի քաղաքականության ձախողման հետևանք էր: Պատերազմից մեկ տարի անց ցավով պետք է փաստել, որ Հայաստան-Սփյուռք հարաբերությունների վերաբերյալ լուրջ երկխոսություն առ այսօր չկա, իսկ օրեր առաջ էլ ոչ հաճելի միջադեպ գրանցվեց Նիկոսիայում, երբ տեղի մի խումբ հայեր բողոքի ցույց կազմակերպեցին Հայաստանի Ազգային ժողովի նախագահ Ալեն Սիմոնյանի գլխավորած պատվիրակության դեմ, ինչի հետևանքով չեղարկվեց պատվիրակության այցելությունը՝ ազգային առաջնորդարան և հայոց «Նարեկ» վարժարան ։ Այս և տարածաշրջանային կարևորության մի շարք հարցեր «Առաջին լրատվական»-ը քննարկել է իրանագետ Տիգրան Դավուդյանի հետ: