Ամերիաբանկը Կարեն Դեմիրճյանի անվան մարզահամերգային համալիրում մեկնարկած DigiTec Expo 2021-ի շրջանակում ներկայացնում է ընկերության ձեռքբերումները, որոնք արտահյատվում են էկո համակարգերի ձևով: Խոսքը մի քանի խոշոր հարթակների մասին է՝ սմարթ հարթակ, որը աշխատելով 24-ժամ և 7 օր ռեժիմով, հնարավորություն է տալիս ֆիզիկական անձանց առցանց բացել հաշիվներ, ինչպես նաև դիմել քարտերի համար, մյուսը բիզնեսի համար ստեղծված էկո համակարգն է՝ Ամերիա բիզնես հարթակ ՓՄՁ-ների համար, առկա է նաև վարկավորման էկո համակարգ՝ խոսքը ֆիզիկական անձանց սպառողական, ապառիկ, հիփոթեքային, ինչպես նաև բիզնես վարկերի մասին է:
Հատկանշական է, որ Ամերիաբանկը շուկայում առաջինն է եղել նաև բիզնեսի համար առցանց վարկավորման ստեղծման գործում: Կարևոր առանձնահատկություններից մեկն էլ այն է, որ Ամերիաբանկը ինտեգրված է Պետեկամուտների կոմիտեի տվյալների բազային, որի միջոցով հարկային հաշվետվություններում արտացոլվող ամբողջ տեղեկատվությունը ստացվում է ավտոմատ:
Առավել մանրամասն՝ տեսանյութում:
