Սահմանադրության մեջ քննիչ հանձնաժողովի ինստիտուտը, որ ներդրվել է, ինքը ընդդիմության համար տախատեսված գործիք է: Այս մասին «Առաջին լրատվական.-ի հետ զրույցում նշեց ԱԺ «Քաղաքացիական պայմանագիր» խմբակցության պատգամավոր Վահագն Հովակիմյանը:
«Այլ կերպ ասած, քննիչ հանձնաժողովների գործիքից հիմնականում օգտվում է ընդդիմությունը: Որովհետև իշխանությունը նույն քննությունն իրականացնելու բազմաթիվ գործիքներ ունի: Դա տրված է նրա համար, որ ընդդիմությունը ևս հնարավորություն ունենա հանրային հետաքրքրություն ներկայացնող հարցերի վերաբերյալ քաղաքական քննարկում իրականացնել: Դատական համակարգին վերաբերող քննիչ հանձնաժողով որպես այդպիսին, չի ստեղծվել: Այս պահին կա քննիչ հանձնաժողովի նախագահ, բայց չկա հանձնաժողով, այն չունի կազմ: Սա պայմանավորված է նրանով, որ դատական համակարգին վերաբերող քննիչ հանձնաժողովը, որն առաջարկում էր ընդդիմությունը, ինքը ԱԺ սահմանադրական լիազորություններից դուրս է»,-ասաց նա՝ հավելելով, որ ստացվում է, որ դատական համակարգը հայտնվում էր օրենսդիր համակարգի վերահսկողության ու քննության տակ, ինչի իրավունքը չկա: