Կիպրոսում մեր հանդիպումների ժամանակ վիզաների ազատականացման հետ կապված շատ արդյունավետ քննարկումներ ունեցանք, կարծում եմ՝ առաջիկայում այդ հարցով առաջընթաց կլինի: Այս մասին «Առաջին լրատվական.-ի հետ զրույցում նշեց ԱԺ Տնտեսական հարցերի հանձնաժողովի փոխնախագահ Բաբկեն Թունյանը:
Անդրադառնալով Հայաստանում առկա գնաճին, նա նշեց, որ կառավարությունը ներկայացնում է դրանց պատճառները, թե կոնկրետ ապրանքների գների բարձրացման պատճառները որոնք են. «Իհարկե, դա չի իջեցնում գները ներքև, բայց գոնե մարդկանց համար ավելի հասկանալի է դառնում: Նաև ըստ այդմ, պարզ է դառնում՝ այդտեղ որևէ քայլ հնարավոր է անել, թե ոչ; ԿԲ-ն փորձում է կարգավորել ընդհանուր գնաճը, բայց դա ամենացանկալի տարբերակը չի, որովհետև ԿԲ-ի հիմնական գործիքներից մեկը վերաֆինանսավորման տոկոսադրույքն է: Դա նշանակում է փողը թանկացնել, որ մարդկանց ձեռքին քիչ փոք լինի, քիչ ապրանք գնեն, պահանջարկը նվազի, գներն իջնեն: Դա մի կողմից գնաճը զսպում է, բայց մյուս կողմից դա տնտեսական աճի վրա բացասական ազդեցություն է ունենում; Կառավարության ֆունկցիան շուկան հասկանալն է, թե տարբեր ապրանքների գների բարձրացման տակ օբյեկտիվ, թե սուբյեկտիվ պատճառներ կան: Եթե պարզվի, որ կա մոնոպոլիստ, կամ կան մի քանի խոշոր ներմուծողներ, որոնք օգտվելով իրենց դիրքից, որոշ ապրանքների գներ անհիմն թանկացրել են և գերշահույթներ են ունենում, այդ ժամանակ պետությունը պետք է համապատասխան քայլեր անի»,-ասաց Թունյանը:
Նա հավելեց, որ հիմնականում թանկացումներն ունեն օբյեկտիվ պատճառներ:
