«Հայաստանը պատրաստ է սկսել սահմանազատման և սահմանագծման գործընթաց Ադրբեջանի հետ, սակայն դրան չի գալիս Ադրբեջանը»: Այդ մասին հայտարարել է Անվտանգության խորհրդի քարտուղար Արմեն Գրիգորյանը: Սա կարո՞ղ է նշանակել, որ Բաքուն չի ստանում այնպիսի բովանդակություն, ինչպիսին ինքն էր ուզում, այն է՝ այս գործընթացում Արցախի հարցի վերջնական լուծումը։ Հարցին քաղաքագետ Հրանտ Միքայելյանը այսպես է արձագանքում․ «Այս պահին Բաքվի ցանկությունը վերաբերում է ոչ թե Արցախի հարցին, այլ Հայաստանի հետ սահմանագծի հարցին»։ Ըստ քաղաքագետի՝ Բաքվի ախորժակը շատ ավելի մեծ է։