Sunday, 02 10 2022
ՀՀ տարածքում ավտոճանապարհներն անցանելի են
23:45
Ռուսաստանի կազմում չորս շրջանների ինտեգրումն անհնար է դարձնում Ուկրաինայի հակամարտության ավարտը. Բորել
23:30
«Իեն» փոթորիկը կարող է ամենաավերիչներից մեկը լինել ԱՄՆ պատմության ընթացքում
Դաշնակից ուժերը լքել են Դոնեցկի Կրասնի Լիման քաղաքը. Ռուսաստանի ՊՆ
Ռուսաստանն ամեն ինչ կանի նոր տարածքների անվտանգության համար․ Պուտին
Ծայրահեղ ծանր վիճակում ԲԿ է տեղափոխվել 10-ամյա երեխա, որն ինքնագլորից է ընկել
Հայ-ադրբեջանական սահմանին իրադրության փոփոխություն չի արձանագրվել
Գեղարքունիքի մարզում բախվել են Volvo-ն ու VAZ 0110-ը. կա 5 վիրավոր
Մեր քաղաքական ղեկավարությունը այն աստիճան չի կորցրել իր ադեկվատությունը, որ ճանաչի այդ «հանրաքվեները»
Վահագն Խաչատուրյանը շնորհավորական ուղերձ է հղել Չինաստանի նախագահին
Միջազգային արդարադատությունը, ցավոք, արագ արդարադատություն չէ
Շիրակի մարզպետն այցելել է 102, 101 և 100 տարեկան տատիկներին
Վաղատուրը՝ թշնամու թիրախում. ինչ վնասներ է կրել գյուղը
Պուտինն Ալիևի միջոցով թուլացնում է Հայաստանը, որ հետո «փրկի» և դարձնի իր գուբերնիա
Լեհաստանի և Ֆրանսիայի ԱԳ նախարարները քննարկել են հայ-ադրբեջանական սահման ԵԱՀԿ առաքելություն ուղարկելու հնարավորությունը
Զինծառայողը ծառայակցին շփոթել է հակառակորդի հետ և կրակահերթ արձակել նրա ուղղությամբ
Հայաստան այցելած զբոսաշրջիկների թիվն աճել է
Դաշտադեմ գյուղում այրվել է մոտ 20 հա խոտածածկույթ
Մեխիկոյում կազմակերպված տարբեր ժողովուրդների մշակութային տարրերի ցուցահանդեսին Հայաստանը մասնակցել է հայկական ժանյակի ցուցադրությամբ
Հետախուզվողը վերադարձել է Հայաստան և ներկայացել ոստիկանություն
ՀՀ նախագահը և Արսեն Ղազարյանը մտքեր են փոխանակել ներդրումային ծրագրերի շուրջ
Մասնակի մոբիլիզացիայի շրջանակներում կանայք չեն զորակոչվի. Շոյգու
Կոչ ենք անում դադարեցնել սննդի, հագուստի, կենցաղային իրերի, տեխնիկակսն միջոցների հավաքագրումներն ու դրամահավաքները. ՀՀ ՊՆ
Էրդողանը հնարավոր է համարել Փաշինյանի հետ հանդիպումը
Արտակ Բեգլարյանն անընդունելի է համարել տարբերակված մոտեցումը զոհվածների ընտանիքների փոխհատուցման գործընթացում
Մարդիկ, որոնք փորձում էին իրենց որդիներին ՌԴ քաղաքացի դարձնել, մոբիլիզացիայի որոշումից հետո այդ գործընթացը կդադարեցնեն
ՅՈՒՆԵՍԿՕ-ի համաժողովի շրջանակներում քննարկվել են Արցախի մշակութային ժառանգության պաշտպանությանն ուղղված հարցեր
Ռուսների նոր հոսքը տների վարձավճարները մեծ փոփոխության չի ենթարկի
Ալեն Սիմոնյանը Վյաչեսլավ Վոլոդինի հրավերով պաշտոնական այց կկատարի Մոսկվա
Իմ դեմ գործը պատվիրել է Սերժ Սարգսյանը, կատարել Միքայել Համբարձումյանը․ Շիրխանյան

22 հազար ՀՀ քաղաքացի ՌԴ քաղաքացիություն է ստացել․ որն է այս ռեկորդային ցուցանիշի պատճառը

«Առաջին լրատվական»-ի հարցերին պատասխանել է ՀՀ տարածքային կառավարման և զարգացման նախարարության միգրացիոն ծառայության պետ Արմեն Ղազարյանը

 Վերջին ամիսների ընթացքում 22 հազար քաղաքացի ՌԴ քաղաքացիություն է ստացել: Սա ի՞նչ հանգամանքներով է պայմանավորված: Սրանք այն մարդիկ էին, որոնք ՌԴ քաղաքացիություն ստանալու գործընթացի մեջ էին ու հիմա ստացե՞լ են, թե նոր են դիմել ու ստացել:

Ռուսաստանում քաղաքացիության ձեռքբերումն իրականացվում է երեք եղանակով՝ քաղաքացիության ստացում, քաղաքացիության վերականգնում և քաղաքացիության ճանաչում: Այսինքն երեք գործընթացների արդյունքում է, որ մենք ստանում ենք այս տվյալը: Այս թվի վերաբերյալ հաճախ սպեկուլյացիաներ են իրականացվում. Պետք է հասկանալ հետևյալ հանգամանքը, որ ՌԴ-ում քաղաքացիություն ստանալը չի նշանակում, որ այս անձինք դադարում են լինել ՀՀ քաղաքացի: Ավելին, նրանց մի մեծ մասը շարունակում է ապրել Հայաստանում: Շահարկումը տեղի է ունենում այն հանգամանքով, որ սա արտագաղթի ցուցիչ է, թեև բոլորովին այդպես չէ: Սա ուղղակի քաղաքացիության ձեռքբերման ցուցիչ է: Նրանց մեծամասնությունը շարունակում են մնալ ՀՀ քաղաքացիներ: Դուք էլ գիտեք, որ մեր քաղաքացիության մասին օրենքը ասում է, որ երկքաղաքացին Հայաստանի տեսանկյունից շարունակում է մնալ ՀՀ քաղաքացի: Հայաստանի պետության հետ հարաբերվելիս այդ անձը դիտարկվում է որպես ՀՀ քաղաքացի: Բոլոր իրավունքներն ու պարտականությունները, որ ունի միայն ՀՀ քաղաքացին, այդ իրավունքներն ու իրավունքները անձը շարունակում է ունենալ նաև երկքաղաքացի դառնալուց հետո:

Այդ դեպքում ո՞րն է ՌԴ քաղաքացի դառնալու մոտիվացիան, կենսաթոշակ ստանալը, առանց արգելքի մուտքուելք անե՞լը:

Մոտիվացիաները տարբեր կարող են լինել: Հենց այս պահին այդ խնդրի շուրջ հետազոտություն է ընթանում: վերջին հետզոտությունն իրականացվել է 2015-ին, իսկ 2020-ին կորոնավիրուսով և պատերազմական իրավիճակով պայմանավորված հետազոտություններ չեն իրականացվել: Բայց առնվազն նախկին հետազոտությունների  փորձից դատելով կարող ենք ասել, որ հիմնական խնդիրը սոցիալ-տնտեսականն է: Այսինքն ինչպես նշեցիք թոշակի խնդիր կա, տնտեսական ակտիվությունն ավելի դյուրությամբ իրականացնելու խնդիր կա: Անշուշտ, մենք չենք կարող ասել, որ պատերազմական իրավիճակը որևէ ազդեցություն չի ունենա նմանատիպ զարգացումների վրա, բայց առանց հետազոտությունների եզրակացություններ անել, թե ազդեցության ինչ մակարդակ կունենանք, դա կլինի մերկապարանոց:

Կարծում եք՝ այս ամենը խուճապային տրամադրություններ սերմանելու միտում ունի՞:

Ես կարծում եմ, որ ավելի շատ որոշակի շահարկումների տեղիք է տալիս վիճակագրության մակերեսային հասկանալն ու մեկնաբանելը ըստ սեփական տրամադրվածությունների ու ցանկությունների:

Մյուս կողմից մենք գիտենք, որ Ռուսաստանը էականորեն խստացրել է իր միգրացիոն քաղաքականությունը, վերահսկողությունը: Որքանով է դա այս թվերի վրա ազդեցություն ունենում:

Վստահաբար դա ունեցել է այդ թվերի վրա ազդեցություն: Որովհետև եթե նշվում էր, որ մարտի դրությամբ 61 հազար ՀՀ քաղաքացի ապօրինի գտնվում է Ռուսաստանում և նրանց ասվում ՝ դուք լեգալ կարգավիճակ չունեք, լեգալիացման գնացեք, նրանց մի մասն անկասկած հենց այդպես էլ անում: Ի դեպ, մենք այս ընթացքում չտեսանք այն զանգվածային արտաքսումները, որոնց մասին այդքան խոսվում էր: Այսինքն ակնհայտ է, որ այդ մարդկանց մեծամասնությունը կամ լեգալիզացրել է իր գտնվելը ՌԴ-ում, կամ վերադարձել է Հայաստան: Լեգալիզացման մի ճանապարհն էլ սա է՝ քաղաքացիության ձեռքբերումը: Ես արդեն ասացի, որ ՌԴ քաղաքացիություն ստանալու երեք ճանապարհ կա՝ ստացում, վերականգնում և ճանաչում: վերականգնումը մեր պարագայում կիրառելի չէ, բայց ճանաչում, ընտանիքի վերամիավորում և նման գործընթացների միջոցով մարդիկ լեգալիզացնում են իրեն գտնվելը ՌԴ-ում:  Բացի այդ, երբ մարդիկ ունեն երկարաժամկետ կացության կարգավիճակ, հետո դա  դա իրավունք է տալիս ձեռք բերել քաղաքացիություն: Քաղաքացիությունն էլ իր հետ բերում է որոշակի սոցիալական առավելություններ: Սա բոլորովին չի նշանակում, որ այդ մարդիկ պարտադիր պետք է դադարեցնեն իրենց ՀՀ քաղաքացիությունը:

Ռուսաստանից զանգվածային արտագաղթ չեղավ, բայց կա՞ն տվյալներ, թե քանի անձ է արտաքսվել ու վերադարձել Հայաստան:

Դեռևս ամփոփ վիճակագրությունը չունենք, բայց ունենք տվյալներ: Առաջիկայում կհրապարակենք:

Բաժիններ
Ուղիղ
Լրահոս
Որոնում