Ինչպես ավելի վաղ տեղեկացրել էինք ՀՀ պաշտպանության նախարարության և Մարդու իրավունքների պաշտպանի գրասենյակի միջև հեռակա բանավեճ էր ծավալվել, ըստ որի՝ ՄԻՊ-ը պնդում էր, թե ադրբեջանական կողմը ՀՀ տարածքում ամրացման աշխատանքներ է իրականացնում, իսկ ՊՆ-ն հերքում էր դա։
Այժմ ՄԻՊ գրասենյակը ներկայացրել է որոշ փաստեր այս առնչությամբ։
«Առաջին լրատվական»-ը մեկնաբանություն խնդրեց պաշտպանության նախարարությունից ՄԻՊ գրասենյակի ներկայացրած փաստերի առնչությամբ:
ՊՆ-ից կարծում են, որ երկու հայտարարությունների միջև առկա ձևակերպումների տարբերությունն ինքնին խոսուն է. «Հոկտեմբերի 18-ին ՄԻՊ-ը, խոսելով ադրբեջանցիների կողմից իրականացվող ամրաշինական աշխատանքների մասին, պնդում էր «Գեղարքունիքի մարզ ներխուժած ադրբեջանցիների» մասին, հոկտեմբերի 27-ին՝ «Գեղարքունիքի մարզի գյուղերի անմիջական հարևանությամբ» իրականացվող աշխատանքների։ Ի վերջո, ի՞նչ նկատի ունի ՄԻՊ-ը՝ Գեղարքունիքի մարզում իրականացվող, թե՞ մարզի հարևանությամբ»։
